Koe fe e Siasi Mo'oni?

Koe Fe 'a e Siasi Mo'oni Pea Tu'uloa He Kaha'u?

Revelation 14:12:  This calls for patient endurance on the part of the people of God who keep his commands and remain faithful to Jesus.who keep his commands and remain faithful to Jesus....
Fakaha 14:12 – Pea ko ‘eni e fa’a kataki ‘a e kakai ma’oni’oni, ko ‘eni ‘akinautolu ‘oku fai ‘a e ngaahi fekau kotoa ‘a e Otua, mo e tui kia Sisu:

1. (1) Ko ‘eni kuo hanga he’e Folofola ‘o fakamahino mai kiate kitautolu koe Siasi ‘o e ‘Otua ‘i mamani, koe Siasi ‘o Sisu ‘i mamani ko kinautolu ia ‘oku nau hanga ‘o FAI E NGAAHI FEKAU KOTOA ‘a e OTUA pea moe TUI KIA SISU
2. (2) Tau sio heni koe TUI moe TALANGOFUA oku na ‘alu fakataha pe kianua, pea koe ulungaanga ia ‘o e kaka ‘a e ‘Otua ‘i hono Siasi ‘i he fo’i maama ko ‘eni. ‘Io koe:    (I) Kakai ‘oku nau TALANGOFUA (II) Kakai ‘oku nau hanga ‘o TAUHI ‘A E FEKAU ‘A E ‘OTUA pe ‘oku faingata’a pe faingofua tenau hanga ‘o tauhi ‘a e Fekau ‘a e Otua he ko honau ‘ulungaanga ia

Fakaha 12:17 – Pea na’e ‘ita e fu’u ngata ki he fefine, ‘o ne ‘alu ke tau’i hono toe ‘o hono hako, akinautolu oku fai ‘a e ngaahi fekau ‘a e Otua, pea ma’u moe fakamo’oni ‘o Sisu Kalaisi:

• Hanga he’e Kikite ‘o fakamahino mai kiate kitautolu koe FEFINE koe SIASI ia
• Pea ‘oku fakatata heni ‘e Sione ‘a e ngaahi ‘aho faka’osi ‘oku ‘alu holo ‘a e fu’u ngata, ‘a e fu’u tevolo, ‘a Setane ‘a e fu’u ngata motu’a kene hanga ‘o faka’auha ‘a e Siasi, ‘a kinautolu ‘oku nau hanga ‘o tauhi ‘e ngaahi fekau ‘a e Otua, ‘akinautolu ‘oku nau ma’u e fakamo’oni moe Tui kia Sisu Kalaisi

KOE TOE KOLE ‘ENI ‘A SISU: 

1. Kainga ‘i he houa ko ‘eni koe ha e tu’unga ho’o mo’ui? Koe Siasi nai ‘oku kau kiai oku nau talangofua ki he fekau ‘a e Otua, 
2. Koe Siasi nai ‘oku nau tauhi ‘a e Kotoa e fekau ‘a e Otua?‘Io ‘oku ‘ikai ke toe ‘iai ha me’a oku ‘ofa ai ‘a Sisu ‘i mamani ka ko hono Siasi

Efeso 5:23,25 – Vs. 23 - He koe ‘ulu ‘oe fefine ‘a e unoho, io, o hange koe ‘ulu ‘a Kalaisi ki he Siasi, pea koe fakamo’ui ia ‘o e Sino/vs.24 – Ko ia ‘o hange ‘oku anganofo ‘a e Siasi kia Kalaisi, ke pehe ‘ae kau fefine ki honau unoho o nautolu ‘i he me’a kotoa pe/Vs.25 – ‘a e kau tangata mou ofa ki homou ‘unoho, o hange koe ‘ofa ‘a Kalaisi ki he Siasi, one foaki ia koe’uhi koia:

1. Oku fakamahino mai heni he’e Folofola ko e uhinga ia e pekia ‘a Sisu Kalaisi ‘i Kalevale koe ‘uhi ko ‘ene ‘ofa he Siasi
2. Nene hanga ‘o foaki ‘ene mo’ui koe’uhi koe Siasi pea ‘oku fiema’u ‘e Sisu ketau kau ‘i hono Siasi
3. Sione 10:14 -16 Vs. 14 - Ko au koe tauhi lelei, pea hange oku ilo au ‘ehe Tamai, peau ilo foki ‘a e Tamai/Vs.15 – Oku pehe ‘a ‘eku ‘ilo ‘aia ‘oku ‘a’aku, moe ‘ilo au ‘ekinautolu, pea ‘oku ou tuku hifo ‘eku mo’ui koe’uhi ko ‘eku fanga sipi/Vs.16 – Pea ‘oku ‘iai mo ‘eku fanga sipi kehe, oku ikai ‘i he loto ‘a ko ‘eni, teu omi akinautolu foki, pea tenau fanongo ki he hoku le’o pea ‘e ai ‘a e loto ‘a pe taha moe tauhi pe taha

Kuo hanga ‘e Sisu heni ‘o ‘afio’i oku lahi e ngaahi loto’a sipi, oku lahi e ngaahi Siasi pea oku ne hanga o afio’i ene fanga sipi he loto’a kehe, pea koe Folofola ‘a Sisu heni teu hanga ‘o omai ‘akinautolu ki he loto’a pe ‘e taha.

FEHU’I: Koe fe e loto’a ‘oku ke ‘iai he houa ko ‘eni? Kake fanongo ki he Folofola ‘a Sisu “ I he’enau fanongo ki hoku le’o tenau ha’u pe ki he loto’a pe ‘e taha,” pea koe uhinga ia e Folofola Koe Kapasa Mo’ui Ke fakahoko atu ‘a e le’o moe finangalo ‘o Sisu ke lava kemou ‘ilo ‘a e loto’a ‘oku totonu.