"Na'e fakatupu 'e he 'Otua 'i he kamata'anga 'a e langi mo mamani"
Ko ha fa'ahinga me'a pe 'oku lahi hake ia 'i he me'a ko ia 'oku ne fakatupu tene lava 'o fakatupu 'a e me'a ko ia. Ko ia ai , koha Taha pe oku lahi hake ia he 'univeesi te Ne lava 'o fakatupu 'a e 'Univeesi. Pea koe tokotaha ko ia ko e 'Otua 'oku fakahaa'i 'i he Tohitapu, 'a e 'Otua ko ia 'oku tau hu mo tauhi kiai koe'uhi, 'i he lotolotonga ko ia 'o e ngaahi me'a kehe, ko IA ia 'a hotau Fakatupu.
'Oku tau toe ako foki ko e 'Otua ko 'eni - 'a e TAHA ko ia na'a Ne fakatupu 'a e 'univeesi, 'a e TAHA ko ia kuo Ne fakavilo'i 'a e ngaahi kaniva ko ia 'e lau piliona 'i he vaha loa 'o e 'univeesi - ko e TAHA tatau pe ia na'e ha'ele mai ki mamani, ke nofo ko e tangata 'i hotau lotolotonga, pea toe fakaofo lahi ange, ke Ne fua tonu 'a e tautea ko ia 'o 'etau ngaahi angahala.
FEHU'I: Taimi 'e ni'ihi 'oku tau fanongo he ngaahi me'a 'oku "fu'u lelei ia ke mo'oni." Ko e ha nai ha toe me'a lelei ange, kiate kitautolu koe kakai angahala'ia, 'i ha mamani fonu mamahi, kuo hinga, ka ko hano 'ilo'i 'a e mo'oni fakaofo ko ia 'o e 'OFA 'a hotau Fakatupu, ha 'OFA 'oku hulu fau ke Ne ha'ele mai 'ia Kalaisi pea fakafehokotaki Ia kiate kitautolu taautaha'aki 'a e no'o 'oku 'ikai teitei lava ia ke motuhi?
'I he tali ki ha fa'ahinga mo'oni fakaofo pehe, 'oku fakafefe leva 'a e anga ko ia 'o 'etau mo'ui?
**********************************************
No comments:
Post a Comment