LESONI 25 (FAKATUPU) - KOHA TAKANGA MO'O 'ATAMA

Ko Senesi 2:20 'aia 'oku fakahingoa ai 'e Atama 'a e fanga manu, 'oku tokoni ia ke fakahaa'i 'a e 'ataa lahi ko ia 'i he vaha'a 'oe tangata pea moe ngaahi me'a mo'ui kehekehe fakamamani. Na'e 'ikai ha manu ia na'e ala fakatatau kia 'Atama. Na'a moe fanga ngeli na'e 'ikai ha me'a mo'ui ia 'e hange ko Atama, koe'uhi na'e 'ikai hange 'a Atama ia ha ngeli. Koe poini mahu'inga 'eni kiate kitautolu ketau manatu'i koe'uhi koe tokolahi 'aupito 'i hotau sosaieti 'oku nau poupou'i 'a e fakakaukau ko ia koe tangata 'oku 'ikai toe kehe ia mei ha ngeli fakalakalaka'i. 'Oku 'ikai koha fanga ngeli kitautolu ia, pea na'e 'ikai toe taau ange ha ngeli ia ko ha takanga mo'o 'Atama 'i ha'ane hoko ma'a ha taha 'o kitautolu.

Senesi 2:21-22 - Koe ha 'a e 'uhinga 'oku ma'u 'i he founga ko ia na'e fakatupu'aki 'ehe 'Otua ha takanga mo'o Atama.

Lolotonga hono ngaohi 'ehe 'Otua tokotaha 'a e sino 'o 'Atama mei he efu 'o e kelekele, na'a Ne ngaohi foki 'a e sino 'o 'Ivi, 'o ngaue'aki 'a e taha e ngaahi huivakavaka 'o 'Atama. Na'e 'ikai fiema'u 'ehe 'Otua ia 'a e hui vakavaka 'o 'Atama ke fakatupu'aki 'a 'Ivi, na'a Ne mei lava pe 'e Ia 'of fakatupu ia ('Ivi) 'o hange pe ko 'Ene fakatupu ko ia 'a Atama pea na'e mei Folofola atu pe kene mo'ui.

Ka na'e 'iai 'a e 'uhinga ia 'a e 'Otua ki hono ngaohi ko ia 'o 'Ivi mei he taha 'oe ngaahi hui-vakavaka 'o 'Atama. Kapau na'e fakatupu mavahevahe faka'aufuli kinaua, 'e lava ia 'o faka'ilonga'i 'i hona natula koe ongo me'a tau'ataina mavahevahe. Ka koe fevahevahe'aki ko ia 'o e kakano fakatou'osi 'iate kinaua 'oku ne fakaha'ai mai na'e 'uhinga ia ke fakataha'i 'a e ongo ua pea na'e taumu'a ia kena "Kakano Taha."

Hili ko ia 'a hono fakatupu, na'e 'omi leva 'a 'Ivi kia 'Atama ko hono tokoni (veesi 18). Na'e ngaohi ia meia 'Atama (veesi 22) pea foaki ange kia Atama (veesi 22). Ko e founga ko ia na'e fakatupu'aki 'e he 'Otua 'a 'Ivi 'oku ne fakahaa'i mahino mai 'oku lava 'ehe 'Otua 'o tokonaki ha fa'ahinga takanga pe na'e fiema'u 'e Atama. Na'e toki mahu'inga 'a e poini ko 'eni ki mui ange 'i he taimi ko ia na'e fehangahangai ai 'a 'Atama moe 'ahi'ahi pe 'e kau mo 'Ivi 'i hono kai 'o e fu'ai 'akau pe ko 'ene falala ki he 'Otua ke tokanga'i e tukunga. Na'e fe'unga 'anoa 'e 'uhinga ia kia 'Atama kene tui 'e lava 'ehe 'Otua 'o tauhi ia , pea koe me'a 'eni na'ane 'ai 'ene angahala 'o toe fakatupu lotomamahi lahi ange.

Senesi 2:23 - Koe ha 'a e tali 'a Atama kia 'Ivi?

Na'e fiefia 'aupito 'a Atama 'i he taimi na'a ne sio ai kia 'Ivi 'one lea fakapunake ai. Koe 'uluaki maau 'eni 'i he Tohitapu pea 'oku fakae'a ai 'a e mahu'inga'ia ko ia 'a 'Atama 'i hono mali pea moe vaofi ko ia 'o hona va. Na'e 'uhinga ia ko hono tatau pea koe 'eu ia 'e taha 'o e Fakatupu na'e maumau'i 'i he Hinga.