Lau 'a Ma'ake 10:7-9 - Koe ha 'a e potutohi na'e lea'aki 'e Sisu 'i he konga tohi ko 'eni? Koe ha 'a e 'ulungaanga ko ia 'oha mali lelei 'oku lava ke ma'u 'i he ngaahi lea ko ia 'a Sisu heni?
Koe ngaahi 'aonga ko ia 'o hono tuku ange e matu'a 'aha taha koe'uhi kae fa'ufa'u ha 'api fo'ou moha mali 'oku 'ilo lahia 'aupito ia 'o 'ikai ai fu'u fiema'u ia ke toe fakalalu. Koe palopalema ko ia moe ngaahi 'i he-fono (famili hoto mali pe ko hoto ngaahi fono - tamai he fono, fa'e he fono, tokoua moe tuofafine he fono) koe taha ia 'o e ngaahi fakatupunga lahi taha 'o e loto kehekehe 'i he nofo fakamali. Koe taha 'o e ngaahi sitepu ke fakahoko'i he taimi ko ia 'oku fokotu'u ai ha 'api fiefia ko hono faka'apa'apa'i 'a e tau'ataina ko ia 'a e ongo me'a mali 'aki 'a hono fokotu'u ha 'api mavahe ia mei he 'ena matu'a 'i he taimi 'oku faingamalie ai. 'I he taimi 'oku faingata'a ai ke hoko, 'oku kei totonu pe ke faka'apa'apa'i 'a e pulipuli moe fafale ko ia 'o e nofo mali.
Koe lototaha koe fotunga ia 'e taha 'iha mali lelei. Koe lototaha 'oku 'ikai 'uhinga ia ke tuku ange ai 'ehe ongo me'a mali 'a hono ngaue'aki mavahevahe hona 'atamai ka 'oku totonu kena loto taha 'i he'ena taumu'a ke fai e lelei taha 'aupito ma'a kinaua pea mo 'ena uouhongataha.
Na'e toe fakamamafa'i foki 'e Sisu 'a e natual ta'engata 'o e mali. Koe mali 'oku'ikai koha fekainga'aki faainoa pe ke kau kiai pe koe loto ke tuku ange. Koe fakapapau ia ki he mate. Ko kinautolu ko ia 'oku 'ikai mateuteu ke fakapapau ki he mate 'oku totonu ke toloi ha fakahinga lakanga pehe kae 'oua kenau mateuteu.
'Efeso 5:22-25 - Koe ha e founga 'oku fakahaa'i mai ai 'ehe ngaahi veesi ko 'eni 'a e ngaahi tefito'i mo'oni ko ia 'oe mali lelei?
Koe monu'ia 'o e husepaniti ke foaki ia (husepaniti) ki hono mali 'i he tauhi 'ofa hange ko ia koe foaki 'e Kalaisi Ia ma'ae Siasi. 'I hono tonu, 'oku faka'apa'apa'i leva 'ehe mali hono husepaniti pea na fetokoni'aki 'i he'ena ngaue ki h'ene taumu'a taha. Koe tali 'eni ki he loto kehekehe ko ia kuo 'omai 'ehe angahala ki he va ko ia 'o e nofo mali. Koe 'ofa feilaulau-tonu 'e fe'iloaki pe ia pea moe faka'apa'apa 'oku 'ofa, pea moe fiefia 'oku felotoi. 'Oku lava 'a hotau ngaahi 'api 'o hoko koha tomu'a a'usia ia 'o Hevani.
No comments:
Post a Comment