Senesi 1:31 - Na'e fakatupu 'ehe 'Otua hotau mamani 'o fou he malohi
fakae'Otua ko ai 'o e Folofola mei he tupu'a'i luo ta'e hano takele.
Katoa 'oe fakamatala Fakatupu, na'e "LELEI" 'a e me'a kotoa pe kae 'oua
kuo kakato 'a e ngaue, 'a ia koe taimi ia koe me'a katoa pe na'e
fakatupu 'e Sihova na'e fakahaa'i 'oku "LELEI 'AUPITO" Senesi 2:18 - Pea na'e folofola 'e Sihova koe 'Otua, 'oku 'ikai lelei ke tokotaha pe 'a e tangata; teu ngaohi kiate ia ha tokoni 'oku taau mo ia..." Kae kehe 'i he lotolotonga ko ia 'oe me'a kotoa ko 'eni, koe me'a 'e taha na'e "LO TOVI he FakaHepelu pe 'IKAI LELEI he fakaTonga." Koe ha 'a e me'a na'e "'IKAI LELEI'" pea koe ha hono 'uhinga? Koe ha 'a e ni'ihi 'o e ngaahi fakahu'uhu'u 'o e potutohi ko 'eni?
Na'e fakaha 'ehe 'Otua 'oku "Lelei" 'a e 'eu kotoa pe 'o e Fakatupu 'o a'u ki he taimi ko ia na'a Ne fakatupu ai 'a Atama. 'I he taimi ko ia, ko 'Atama pe tangata. Neongo na'e ngaohi ia 'i he tatau 'o e 'Otua, ka 'i he'ene tokotaha pe 'oku 'ikai kene lava 'e ia 'o fakahaa'i 'a e 'Imisi kakato ko ia 'o e 'Otua, 'aia 'oku fakainga'aki ko ee pea moe konga kehe 'oe Tolu Taha'i 'Otua. Koe mo'oni, koe Tolu Taha'i 'Otua 'oku fa'u 'aki ia e Tamai, 'Alo moe Laumalie Ma'oni'oni. Ko ia ai, na'e fiema'u 'e 'Atama ia ha taha hange ko ia kena fa'u ha va fe'ofa'aki moe fetokoni'aki, 'o fakahaa'i ai 'a e fekainga'aki 'ofa ko ia 'oku fakatata'i 'i he Tolu Taha'i 'Otua.
Senesi 2:19-21 - Hili 'a e ha 'o fakatupunga ai 'ehe 'Otua 'a Atama ke mohe, pea ne toki fakatupu ha mali mei hono kakano. 'E ngali felave'i fefe 'a e fo'i ngaue ko ia ki mu'a pea moe fakatupu ko ia 'ehe 'Otua ha mali mo'o 'Atama?
Ngalingali koe ki 'i heni 'oku ma'u ia 'i he kupu'i lea faka'osi 'o e veesi. Lolotonga 'o 'ene fakahingoa 'a e fanga manu, 'oku pau na'e fakatokanga'i 'e 'Atama na'a nau ha'u tauhohoa (Tangata moe Fefine) 'o 'ikai hange ko ia, koe fakatupu makehe. 'Oku lava ia ketau fakapapa'ui na'e 'osi fakahangahanga fuoloa pe 'a Sihova ia kia 'Atama ke 'iai hano mali. Ngalingali na'e fakahangahanga 'a Sihova ke fakatupu ha faka'amu 'a Atama, 'ae ongo ko ia na'e pulia e me'a 'i he'ene 'iai (mo'ui, tu'u) 'a'ana, 'aia tene 'ai ia ke toe hounga'ia lahi ange ai 'i he foaki 'ofa ko ia 'oku teu ke foaki ange 'e Sihova kiate ia koha mali.
Fakakaukau ange ki he kehekehe ko ia 'i he vaha'a 'o e "LELEI" 'o e toenga 'o e Fakatupu pea moe fakahaa'i ko ia 'o e "IKAI LELEI" 'o fekau'aki moe nofo toko taha 'a Atama. Koe ha 'ae me'a 'oku fakahaa'i mai 'ehe me'a ko 'eni kau ki he mahu'inga ko ia 'o e va? Koe ha 'a e me'a teke lava 'o fai ke tokoni ke fakafefeka'i ha fa'ahinga va mahu'inga pe 'oku ke lolotonga 'iai 'i he taimi ko 'eni
No comments:
Post a Comment