Ko Sisu koe Pule Lahi

'Oku totonu 'aupito ketau mahino'i 'oku 'ikai ke hanga he'etau pule ki hotau loto 'o ta'ofi ai 'a e pule 'a Sisu ki he'etau mo'ui. Neongo 'oku tau pule ki he'etau fili mo hotau loto pe ko hotau kita ka 'oku kei Eiki pe 'a Sisu ia he'etau moui:
1 Kalonikali 29:11-13 - "'Oku 'o'ou 'Eiki 'a e ma'olunga, moe malihinga, moe langilangi'ia, moe ikuna, moe aoniu he koe me'a kotoa 'i he langi mo mamani ko ho'o me'a Sihova. 'Oku 'o'ou 'a e pule pea 'oku tuku taupeupe atu koe, koe 'Eiki 'o e me'a kotoa....."

Koe fakamahino ia 'a e Folofola ko 'ete toki hoko koe muimui 'o Kalaisi kuo pau kete tukulolo mo foaki 'ete mo'ui ke FAHU mo PULE AONIU  ai 'a Sisu Kalaisi. 'Oku mahino 'oku tau pule ki he 'etau totonu ketau fili, ka 'oku kei Pule pe 'a e 'Otua ia ki he'etau Manava. Ko ia koe ha leva 'a e totonu ketau pehe 'oku tau fa'iteliha pe 'osi ange koe mo'ui 'a e 'Eiki 'oku tau lolotonga ma'u mo fiefia ai.

Sisu koe Taha 'oe Tolu'i 'Otua,'Eiki ia he ngaahi me'a ko 'eni:

1. Pule He kau 'Angelo: Hepelu 1:4, (Fakaha 5:11-12)

   "Kuo ne hoko 'o fu'u ma'olunga 'i he kau angelo, ke hoa moe fu'u hulu atu ho'o Huafa kuo to mo'ona 'iho'onautolu...." 'Oku Ne ma'olunga he kau 'angelo, pea 'oku hu kiate Ia 'a e kau 'angelo
   

2. Pule'i 'a Setane (Kolose 2:15)

   "He na'a Ne tukufa'o ia ki hono Kolosi, mo Ne hu'ihu'i meiate ia 'a e kau pule moe kau ma'utu'unga, 'one matu'aki faka'ali'ali kinautolu, he'Ene sipkaki kinautolu 'i he 'Ene 'Afio...." - Kuo ne ikuna'i 'a e angahala, heli mate pea mo Setane 'Oku taki atu 'e Sisu hono kau muimui ke mo'ui ikuna he 'aho kotoa pe  (Loma 8:31,37)

3. Pule'i 'a e ngaahi Pule'anga (Ekisoto9:16)

   Ka koe 'uhi na'aku fokotu'u koe ki he me'a ko'eni, keu fakaha 'iate koe hoku ivi, pea koe'uhi ke ongoongoa hoku hingoa 'i mamani katoa...." Na'a ne fakaha kia "Felo koe 'Otua kuopau ke hilioo 'ene pule. Ko Nepukanesa na'ane tala 'a e motu atu 'a e pule 'a e 'Otua Mafimafi. 'Oku 'ikai nofo 'a e pule aofangatuku 'i mamani 'i Uasingaton, Lonitoni pe Mosikou ka 'oku nofo ia he 'aofinima 'oe 'Otua

4. Pule 'i Natuala (matiu 8:26-27)

   "Pea ne toku tu'u 'o lolomi 'a e matangi moe tahi, pea na'e hoko ha tofu lahi. Pea ofo 'a e kau tangata 'onau pehe, koe tangata ha 'eni!! He na'a moe matangi moe tahi 'oku nau fakaongon kiate Ia!!! Ko Sisu na'aNe lolomi 'a e tahi moe matangi pea nau talolo mo talangofua kiate Ia

5. Pule'i 'a e Fanga Tevolo Moe Laumalie 'Uli (Ma'ake 5:6-8, 1:25-27)

   "Pea 'i he'ene vakai mei he mama'o kia Sisu, na'ane lele, 'o tu'ulutui kiate Ia, 'one kalanga le'olahi 'o pehe, Koho ha au, e Sisu koe 'Aloe 'oe 'Otua Taupotu? 'Oku ou hu totoaki kiate koe 'i he 'Otua ke 'oua na'a ke fakamamahi'i au. He kuo ne kamata pehe kiai, 'a e fa'ahikehe na mahu'i mai mei he tangata....." Na'e tu'utu'uni atu pe 'a Sisu pea hu ki tu'a 'a e fanga tevolo pea moe laumalie 'uli.

6. Pule He Kotoa 'oe Me'a Fakatupu (Kolose 1:15-17)

   "'Aia koe Imisi ia 'oe 'Otua koe Ta'ehamai, koe 'Uluaki Ia na'e fakatupu, koe kimu'a 'i he ma'e kotoa pe kuo ngaohi, ko'uhi na'e tefito kiate Ia 'a e ngaohi 'o e me'a kotoa pe.... 'Io kuo ngaohi 'a e me'a kotoa pe iate Ia pea ma'ana pea koe mu'a 'a Ene 'Afio kae kimui 'a e me'a kotoa pe pea 'oku fema'uma'utaki 'iate Ia 'a e me'a kotoa pe...." 'Oku Ne pule ki he me'a fakatupu kotao pe 'o tatau pe me'a hamai moe me'a ta'ehamai.