Koe Palani 'o e Fakamo'ui

Koe Kamata'anga 'o e Mo'ui Faka Tisaipale

'Oku kamata ‘etau mo’ui faka-Sisu pe faka-Tisaipale he taimi pe kuo tau tali ‘a Sisu ko hotau ‘Eiki mo Fakamo’ui, pe ko ‘etau Fanau’ifo’ou fou ‘i he ngaue ‘a e Folofola.  

'Oku ‘ikai ke kehekehe ‘a e Fanau’ifo’ou moe fanau’i fakasino mai kitautolu. Hili hono fanau’i mai tautolu ‘oku kamata leva ‘a e fafanga mo hono tokanga’i kitautolu he’etau fa’e. Na’atau kamata tokotokoto pea totolo pea akoako ‘alu pea ‘alu mo iku aipe ki ho’o lele kuo ke matu’otu’a. Oku pehe pe ‘etau tupu faka-Laumalie hili hotau fanau’ifo’ou.

Koe Folofola ‘oku ne talamai ‘a e founga ke langa ai hotau va moe ‘Eiki pea mo pole’i kitautolu ketau tupu: Talamai ‘e 2 Pita 3:18: “Ka mou tupu aipe ‘i he Kelesi, pea ‘i he ‘ilo’i ‘o Kalaisi” Toe lave tatau pe ‘a Pita ki he Siasi ‘o Efeso: Ngaue 20:32 – Pea ko ‘eni ‘oku ou tuku kimoutolu ki he ‘Otua moe Folofola ‘a ‘Ene Kelesi, kiate Ia tene mafai ke fai homou langa hake, pea ke ‘atu ‘a e tofi’a ‘i he lotolotonga ‘o e kakai kotoa pe kuo fakahaohaoa..” Ko ‘etau Tupu fakalaumalie ‘oku mahu’inga ketau nofo ki he Folofola ‘a e ‘Otua. Koe taha ‘o e ongo me’a mahu’inga ke fakamo’oni’i‘etau tupu fakalaumalie oku fakahaa’i ia he:

1. Palani ‘o e Fakamo’ui 
2. Fakapapau’i 'oku tau ma'u 'a e  Fakamo’ui

Koe Palani Ngaue 'o e Kosipeli

Koe Palani ngaue ‘a e Otua ki hotau fakama’oni’oni’i faka’aho ke taau mo Hono Finangalo. Pea koe Palani 'oe Fakamo'ui 'oku ne fakamatala'i kiate kitatutolu 'a e 'Uhinga 'oe Kosipeli moe Ongoongolelei:

1. Koe 'Uhinga 'o e Kosipeli

Koe ‘uluaki me’a mahu’inga ke mahino’i he Palani ‘oe Fakamo’ui koe ‘uhinga ‘oe Kosipeli.

• Talamai ‘e Loma 1:16 – Tala’ehai ‘oku ou maa’i ‘a e Kosipeli he koe ivi ia ‘o e ‘Otua ‘oku ngaue kihe ‘Ene Fakamo’ui, ‘iate kinautolu ‘oku tui kakato kia Kalaisi Sisu….”
  
  Ta koe ‘uhinga leva ‘o e Kosipeli hono veteki mai ‘e Loma 1:16 koe Ivi Fakamo’ui ia ‘o e ‘Otua ‘oku ngaue ki he  ‘a e Fakamo’ui.
• Koe fiema’u ha fakamo’ui (1) Fakamatelie, (2) FakaAtamai (3) FakaLaumalie ki he famili kuo pau ke talaki kiai ‘a e Kosipeli pea kenau fehangahangai mo Ia pea kenau tali ‘a e Kosipeli.

Toe fakamahino'i mai ‘e Paula ‘ia 1 Kolinito 15:3-4 – “He koe taha ‘o e ngaahi me’a na’aku fuofua tuku atu, ‘a ia foki na’aku ma’u ‘e au, ‘a ‘eni ia: Na’e pekia ‘a Kalaisi koe’uhi ko ‘etau ngaahi angahala ‘o fakatatau ki he Tohitapu, pea na’e telio ia ‘i hono ‘aho tolu pea toetu’u, ‘o fakatatau ki he Tohitapu..” Koe me’a ia na’e malanga’i ‘ehe kau ‘Aposetolo, ko Sisu na’e PEKIA, TELIO pea TOETU’U koe ‘uhi  koe ANGAHALA ‘A E TANGATA.

 ‘Oku ‘ikai koha me’a fakaofo ‘eni ‘a e Pekia ‘a Kalaisi ka koe’uhi ‘e mate tu’o  taha e tokotaha kotoa pe ka koe me’a makehe ‘a e ‘uhinga ‘o ‘ene PEKIA. Na’e PEKIA  he ‘uhinga mahino mo’oni ko ‘eni: NA’E PEKIA KOE’UHI KOE ANGAHALA ‘A E TANGATA. Oku mahino ‘a e tautau ‘a Kalaisi he Kolosi ko ‘ene FETONGI ia koe. Na’ane fua ‘etau angahala. Na’e ‘ai kiate ia ho tautea mate. Na’ane Pekia koe’uhi ko ho’o angahala pea telio pea ‘i hono ‘aho tolu pea na’e toetu’u mei he pekia koe’uhi kuo HOIFUA ‘a e ‘Otua ki he’ene Pekia.

2. Koe Ongoongolelei Leva 'Eni

• Ko 'etau talaki 'a e 'uhinga 'oe Kosipeli 'a Sisu Kalaisi
• Koe Ivi fakamo'ui 'o e 'Otua makatu'unga he 'Ene Pekia, Telio, moe Toetu'u
• Koe solova ‘e Sisu ‘a e Palopalema ‘o e Angahala
• Ko ‘Ene totongi hotau mo’ua
• Ko ‘Ene fakatau ma’atautolu ‘a e Fakamo’ui pa
• Foaki mai ‘a e MO’UI TA’ENGATA koe ME’A’OFA TA’ETOTONGI.

3. Me'a Mahu'inga Fekau'aki moe Kosipeli

• Hanga he’e Kosipeli ‘o fakamahino mai koe Natula ‘oe Tangata koe Angahala. Kuo Tau Fai Angahala kotoa pe: Loma 3:23 – “He ‘oku ‘ikai ha fai kehekehe he kuo tau fai angahala kotoa pe pea ‘oku ‘ikai ketau a’usia ‘a e hoifua ‘a e ‘Otua…”
• Talamai ‘e he veesi ko ‘eni kuo ‘ikai ha taha mo’ui mei he ‘aneafi, taha mo’ui he ‘aho ko ‘eni, taha mo’ui he kaha’u ‘oku hao mei he fai angahala. ‘Oku fai angahala ‘a e tangata kotoa pe he ko hotau natula ia koe Angahala. Ko ‘etau fai angahala he makatu’unga ‘etau tau’ataina ki hotau loto mo ‘etau fili.
• Toe talamai ‘e ‘Aisea 53:6 – “Kuo tau hee  kotoa pe ‘o hange ha fangasipi, pea kuo tau takitaha afe mo fili hono takitaha hala ‘o’ona….”

Koe fakaloloma lahi ‘eni he ‘oku ‘ikai ke ‘ilo ‘ehe tokolahi ‘a e mo’oni ko ‘eni. ‘Oku tau fa’a pehe pe ‘oku sai ‘etau mo’ui mo lelei ‘etau fakafeangai makatu’unga he koloa, tukufakaholo, moe  ‘atamai poto ‘oku tau ma’u. Ka ‘oku ‘ikai ketau ‘ilo ‘eni koe vakai mai ‘a e ‘Otua kiate kitautolu koe koto angahala’ia. Koia ‘oku mo’ui mavahe mo angatu’u kia Sisu ‘oku fai angahala.

Basic Discipleship By Floyd McClung Basic Dicipleship explains what it means for Christ to be Lord of your life. The author discusses why it is important and how it happens by laying the basic building blocks that can last our whole lives. Some topics include, living under Christ's Lordship, remaining faithful, finding God's will turning away from sin, nuturing humility, plus more.