Koe Fakamo'oni 'o Ene Fakamo'ui

1. (1 Sione 5:11-13) - " Ko ia 'oku ne ma'u 'a e 'Alo 'oku ne ma'u 'a e mo'ui, ko ia 'oku 'ikai tene ma'u 'a e 'Alo 'o e 'Otua 'oku 'ikai tene ma'u 'a e mo'ui. Koe ngaahi me'a ko 'eni 'oku  ou tohi atu koe'uhi kemou 'ilo 'oku mou ma'u 'a e mo'ui ta'engata 'io 'akinautolu 'oku tui ki he Huafa 'o e 'Alo 'oe 'Otua..."

1. Kuou fakaha mai 'ehe 'Otua

   'i He'ene Folofola ko ia kuo ne tali 'a Sisu pe tui kia Sisu 'oku ne ma'u 'a e mo'ui ta'engata. Ko 'etau me'a pe 'oku fai koe Tui kiai. Tokolahi 'a e kakai 'oku na'u ma'u 'a e fehalaaki ko ia koe fua'aki 'enau ma'u 'a e mo'ui ta'engata'aki 'enau ONGO. Koe palopalema 'oe Ongo 'oku feto'aki me feliliu'aki. 'Oku tau ongo'i fiefia pea koe taimi 'e ni'ihi 'oku tau ongo'i mamahi. 'Oku tau 'a hake he pongipongi e ni'ihi 'oku momoko hotau laumalie mo ta'efiefie lotu. Pea pongipongi 'e ni'ihi 'oku tau vekevekefai e lotu moe fakafeta'i. 'Oku 'ikai makatu'unga he ONGO ka koe TUI.  Pe 'oku tau fiefia pe mamahi 'oku tau TUI PIKITAI mo FALALA KAKATO ki He'ene Folofola. (Sione 6:47): Talamai 'e Sisu 'Oku ou tala kiate kimoutolu 'a e mo'oni, koia 'oku tui 'oku ne ma'u 'ae mo'ui ta'engata .
   
   'Ia Sione 10:27-29 'oku toe lea mai ai 'a  Sisu,  "....Ko 'eku fanga sipi 'oku nau fanongo ki hoku le'o. 'oku ou 'ilo kinautolu pea  'oku nau muimui kiate au. 'Oku ou foaki kiate kinautolu 'a e mo'ui ta'engata pea he 'ikai tenau 'auha 'o lauikuonga, pea he 'ikai hamusi kinautolu 'e he taha mei hoku nima. Ko 'eku Tamai 'oku lahi ia 'i he me'a kotoa pe, pea tala'ehai 'e lava 'eha taha ke hamusi 'eku fanga sipi mei he nima 'o 'eku Tamai...." 
   
   Pea koe fakamao'oni mahino taha ia 'oku tau ma'u 'a e Mo'ui Ta'engata he koe Folofola ia 'a e 'Otua . 

1.  Fefakamo'oni 'aki Laumalie 'Otua mo hotau Laumalie koe fanau 'a e 'Otua:

   Loma 8:16-17 - "Koe Laumalie 'oku ne kaunga fakamo'oni 'e ia mo hotau laumalie, 'o pehe, koe fanau 'a e 'Otua 'a kitautolu, pea kapau koe fanau 'a e 'Otua kitautolu, ta koe ngaahi 'ea foki kitautolu, koe ngaahi 'ea 'oe 'Otua pea toe kaunga 'ea mo Kalaisi....."
   
   Koe tokotaha kotoa pe kuo ne tali 'a Sisu 'oku nofo'ia ia 'ehe Laumalie Ma'oni'oni. Koe taha ia 'e tapuaki 'o e fakamo'ui. 'Oku ne 'iate kitautolu ketau ongo'i vave 'a e angahala.'Ikai ko ia pe ka kene tataki kitautolu he hala totonu pea mo fakamaama'i  foki kitautolu 'ehe  Folofola.
   
   Koe taha hono fatongia ke fefakamo'oni'aki mo hotau laumalie koe ngaahi foha moe 'ofefine kitautolu 'o e 'Otua

2. Hoko 'a e Ngaahi Liliu 'i He'etau Mo'ui

   II Kolinito 5:17 - "Koia foki, kapau 'oku 'ia Kalaisi ha taha koe matu'aki fakatupu fo'ou ia. Kuo mole 'a e ngaahi me'a 'o ono'aho, Ueeee kuo nau hoko 'o fo'ou....."
   
   1. Ka hufia 'e Sisu ha mo'ui 'aha taha 'oku 'asi mei ai 'a e ngaahi liliu fo'ou. Kuo kehe 'eni 'ene sio ki he angahala mei he tami kimu'a. Kuo kehe 'eni 'ene sio kia Sisu he taimi ni. Kuo kehe 'eni hono manako. Kuo manako 'eni ki he lau Folofola moe Lotu pea hohoi mo'oni kiai.
   2.  Kuo kamata leva ke kehe 'ene fakafotunga ki he kakai mo hoto va mo kinautolu. Kuo tau sio ki he mamani ko 'eni  'aki 'a e sio moe manava'ofa 'a e 'Otua. Kuo tau 'ofa 'eni 'i he kakai na'ate fa'a fehi'a ai pea lelei hoto va moe hoa, fanau, famaili, pule ngaue mo hai fua.
   Kapau 'oku 'ikai 'asi ha liliiu pea 'oku tonu leva ke vakai'i pe kuo tau tali mo'oni koaa 'a Sisu ki he'etau mo'ui.

3.  'Oku Tau 'Ofa Ki Hotau Fanga Tokoua 'Ia Kalaisi

   I Sione 3:14 - 'Oku tau 'ilo kuo tau hiki mei he mate ki he mo'ui, he 'oku tau 'ofa ki he kaingalotu. Ko ia 'oki 'ikai ke 'ofa 'oku ne 'i he mate ai pe..."
   
   Kuo tau 'ofa 'eni 'i he fanga tokoua 'ia Kalaisi. Kuo liliu 'a e fehi'a ki he 'ofa, kuo liliu 'a e fakavahavaha'a moe laulanu ki he tali lelei. 'Oku tau loto ke fai ha ngaue lelei ki he kakai kehe.
   
   'I he'etau ma'u ' e mo'ui ta'engata 'oku 'omi 'ehe 'Otua ketau loto'aki 'a 'ene kakai pea 'oku liliu leva 'etau sio kiate kinautolu.

4. 'Oku Tau Loto Ke Talaki 'a Sisu ki he Kakai Kehe

   Matiu 28:18-20 - "Kuo tuku kiate Au 'a e pule kotoa pe 'i langi pea ki mamani. Ko ia kemou o, 'o ngaohi 'a e ngaahi kakai kotoa pe ko 'eku kau ako, 'i he papitaiso kinautolu  ki he Huafa 'oe Tamai moe 'Alo moe Laumalie Ma'oni'oni, moe ako'i kinautolu ke tauhi 'a e ngaahi me'a kotoa pe kuou tu'utu'uni atu. Pea ko 'eni, 'oku ou iate kimoutolu 'e au ki he ngaahi 'aho kotoa pe 'o a'u ki he ngata'anga 'o mamani...."
   
   Fehu'i: 'I he'etau ma'u 'a e fakamo'ui 'oku totunu leva ke 'alu 'ete fakaukau pe 'oku fefe nai 'ete matu'a mo hoto ngaahi tokoua, ngaahi tuofafine mo tuonga'ane. 'Oku nau ma'u nai 'a e mo'ui ta'engata. Knau ka mate he taimi ni tenau iku nai ki fe? 'E pehe pe 'etau sio ki he kakai kehe.
   
   Fehu'i: 'I ho'o sio kiha taha te'eki tene tali 'a Sisu, koe ha e me'a 'oku 'ulaki ha'u ki ho'o fakakaukau?
   
   'Oku te sio fakamaau nai koe'uhi ko 'enau fai angahala pe 'oku tau sio ke talaki kiate kinautolu  'a e Kosipeli fai Fakamo'ui 'a Sisu Kalaisi? Manatu'i ke 'oua tetau mo'ui fakamaau he na'e pehe pe 'etau mo'ui ki mu'a te'eki ketau tali 'a Sisu Kalaisi.
   
   Talaki 'o e Kosipeli: 'Oku founga 'e 2 'a e Talaki 'oe Kosipeli:
   1. Talaki Lea (Proclaim) - 'Oku te talaki 'a e makatu'unga 'oe ngaue lelei 'a Sisu he Kolosi moe 'uhinga 'ene Pekia, Telio, moe Toetu'u. 'Oku te talaloto 'aki mo malanga'aki 'a e mo'oni ko 'eni 'oe Kosipeli.
   2. Talaki Mo'ui (Transforming Life/A new Change in You)  - Fu'u mahu'inga 'ete to'onga mo'ui ke fai tatau mo kauhala taha moe me'a 'oku te malanga'aki meo talaloto'aki fekau'aki moe Kosipeli 'a Sisu Kalaisi. Koe fiefia hono talaki 'a e ongoongo lelei 'oe Kosipeli moe
      ngaue 'a Sisu Kalaisi.
   3. Mahu'inga 'aupito ke kauhala taha 'ete Talaki Lea moe Talaki To'onga Mo'ui. Manatu'i 'oku 'uluaki tui 'a e kakai ki he me'a 'oku nau sio kiai mo fakamo'oni'i (character change in you) pea toki hoko mai leva 'eta malanga lea (proclaim). 'Oku 'uluaki lea malohi e 'ulungaanga he 'ete talanoa moe lea.

5. 'Oku Tau Loto ke Mo'ui Faka'Otua

   Taitusi 2:11-12 - "He kuo fakaha mai 'a e Kelesi 'a e 'Otua 'oku 'omi fakamo'ui ki he kakai kotoa pe, 'oku ne ngaohia kitautolu, ke fakafisi ki he faka'Otua  mate, moe ngaahi holi fakaemamani: katau mo'ui angafakama'uma'u mo angatonu mo anga fakalotu 'i he maama ko 'eni...."
   Ko ia 'oku ne ma'u 'a e mo'ui ta'engata 'oku loto ke ma'a 'ene mo'ui pea manavahe  mei he angahala. 'Oku 'ikai totonu kiha taha ke lau 'oku ne tali 'a Sisu kae mo'ui fa'ifa'iteliha pe mo fai angahala. Koe fakatomal mo'oni 'oku 'asi 'a e liliu he to'onga mo'ui.
   
   I Sione 3:3-7 - "Pea ko ia kotoa pe 'oku 'iai 'a e 'amanaki ko 'eni, tu'u 'i he 'Ene Afio, 'oku ne fakama'a 'e ia ia, 'o hange 'oku ma'a 'a 'Ene 'Afio. Koia kotoa pe 'oku fai angahala 'oku ne maumau'i  foki 'a e lao, 'io koe angahala koe MAUMAU'I e Lao 'a e 'Otua...."
   
   Koe Kelesi pe 'a e 'Otua 'oku tau mo'ui ma'a ai pea koe fakamo'oni ia 'oku 'i loto 'a Kalaisi 'i he'etau mo'ui