KOE HA 'A E TISAIPALE
- Koe Tisaipale koe Akonga 'oku 'uhinga ia ki ha tokotaha Ako (learner) pe koha taha Muimui (Follower)
- Koe ako 'a e Tisaipale kene ma'u 'a e 'ilo pea kene fakahoko 'a e 'ilo ko ia ke 'asi mai 'i he'ene mou'i
- Koe taumu'a 'a e Tisaipale 'o 'ene ako kene hokosi pe hange tofu pe ko 'ene Faiako.
(Luke 6:40 - 'Oku 'ikai lahi hake 'a e akonga 'ihe lene akonaki (faiako) ka ko ia kotoa pe 'e haohaoa 'o hange pe ko 'ene akonaki (faiako)
Kuo 'osi 'omai pe 'e Sisu 'i he Folofola 'a e ngaahi makatu'unga pau, 'a ia kuopau ke muimui kiai 'ene kau Tisaipale. Koe ngaahi makatu'unga pau ko 'eni 'oku faingata'a 'a hono a'usia ka 'oku 'ikai pe toe loto 'a Sisu ia ke toe tukuhifo ki lalo 'a e makatu'unga pe ko hono 'ai ke faingofuaange. Kuopau ketau a'usia ia neongo 'ene faingata'a. Ka 'oku tau fakafeta'i 'oku 'ata mai 'a e Ivi ta'efakangatangata 'a e 'Otua 'i he Laumalie Ma'oni'oni ke tokoni'i kitautolu.
('Oku matu'aki mahu'inga kete tukupa ki he ngaahi mo'oni ko 'eni. 'Ikai ko ia pe ka ke sivi 'etau ngaahi mo'ui 'o fakatatau ki he tu'utu'uni 'a Sisu
'Uluaki 'a Sisu he'etau 'Ofa
Kuopau ke fika 'uluaki 'a Sisu ' i he 'etau 'ofa pea 'oua 'e toe 'ai ha me'a ke fakauoua'i Ia -Matiu 22:37-38 - "Teke 'ofa kihe 'Eiki koho 'Otua 'o fai'aki 'a e kotoa 'oho loto, moe kotoa 'oho Laumalie, moe kotoa 'oho Atamai. Ko 'eni ia 'a e tu'utu'uni 'oku mamafa taha mo tu'ukimu'a
Luke 14:26 - Kapau 'oku 'ikai fehi'a 'aha tangata ki he'ene tamei, mo 'ene fa'e, mo hono uaifi, mo 'ene fanau, mo hono ngaahi tokoua, mo hono ngaahi tuofafine, 'Io mo 'ene mo'ui 'a'ana foki, neonga 'ene ha'u kiate au ka 'e 'ikai tene fa'a hoko ko 'eku akonga.....
'Oku 'uhinga 'a e fo'i lea koe "fehi'a" ' ihe veesi ko 'eni ke 'ikai ke toe 'iai ha me'a 'e toe lahiange 'i he'ete 'ofa 'ia Sisu. Fika 'uluaki 'a Sisu 'i he'ete 'ofa, toki fika ua mai e mali, fanau, famili. 'Oku 'ikai tali 'e Sisu ke fe'au'auhi moha taha ki he 'etau 'Ofa ange 'o a'u pe ki he 'ete mo'ui pea ko ia pe tokotaha ke ma'olunga taha mo fika 'uluaki..
Faka'ika'i hoto Kita
Koe faka'ikai'i hoto Kita ko 'ete tali koute 'osi mate pea kuo te 'osi hu kita ki tu'a mei he'ete pule'i 'ete mo'ui moe 'ete fili kae pule aoniu 'a Sisu Kalaisi. Ko 'ete tali ke hifo mai 'a Sisu mei hono taloni pule pea ke hilifaki kalauni 'a Sisu ke Tu'i pea pule'i 'ete mo'ui kotoa.- Matiu 16:274 - ."Pea toki lea 'a Sisu ki he'ene kau ako, 'o pehe, Ka ai ha taha 'oku ne fie muimui mai, ke ne matu'aki hange ha mateaki, pea kene fua hono kolosi, pe kene hoko ko hoku lahi...."
- Kaletia 2:20 - "Kuo tutuki au keu mate 'o hange ko Kalaisi, 'oku ou mo'ui ka 'oku 'ikai ko au ka KO KALAISI 'oku mo'ui iate au. Neongo ko 'eku mo'ui he kakano ka 'oku ou mo'ui pe he Tui kihe 'alo 'oe 'Otua 'aia ne 'ofa kiate au 'o pekia mo foaki Ia koe 'uhi ko au
Fua 'a e Kolosi he 'aho Kotoa pe
Luke 9:23 - "Pea ne lea kiate kinautolu kotoa pe, Ka ai ha taha 'oku ne fie muimui mai kiate au kene hange ha mateaki, pea kene fua hono kolosi 'i he 'aho kotoa pe pea kene hoko ko hoku lahi....."Ko 'etau tali 'eni ke lau kitautolu 'oku tau kau fakataha mo Sisu hono fua e kolosi. Ko 'ete tali 'a Sisu ke tuku hoto loto kae fai 'a e finangalo 'oe 'Otua. Ko'ete tali ia 'a e faingata'a, mamahi pea moe kona kotoa pe fakataha pea moe Kalaisi pea mo hono kolosi....
Muimui 'ia Kalaisi 'Aho Kotoa Pe
- Matiu 4:19 - "Pea pehe 'e ia kiate kinaua,Mo omi 'o muimui'iate au, pea teu ngaohi kimoua koe ongo toutai tangata.."
- Matiu 8:22 - "Ka ka tali 'e Sisu, Muimui koe kiate au, pea tuku ki he kau mate kenau tanu 'a e mate 'anautolu.."
- Ma'ake 2:14 - "Pea 'i he'ene 'alu ange na'ane 'ilo 'a Livai, koe foha 'o Alefiusi, 'oke ne nofo 'i he fale tute, pea nepehe kiate ia, Muimu kiate au..."
- Ma'ake 10:21 - "Pea 'ihe siofia ia 'e Sisu na'ane 'ofa kiai 'one pehe kiate ia. Koe me'a pe taha 'oku ke tomui ai" mole pe 'o fakatau atu 'a e me'a kotoape 'oku ke ma'u pea foaki hono pa'anga ki he masiva, pea 'e ai ha koloa 'e fa'o'aki ma'au 'i he langi pea ke ha'u 'o kau 'i hoku lahi..."
- Luke 9:23 - "Pea ne lea kiate kinautolu kotoa pe ka ai ha taha 'oku ne fie maumui mai kiate au, kene hange ha mateaki pea kenen fua hono kolosi 'i he 'aho kotoa pe, pea kene hoko ko hoku lahi..."
- Luke 14:27 - "Pea koa ia 'e 'ikai fua hono kolosi 'o muimui kiate au, 'e 'ikai tene fa'a hoko ko 'eku ako....."
Koe ui malohi 'eni 'oku fai 'e Sisu ki he'ene kau ako kenau muimui 'iate ia pea koe muimui ko ia ke fai hae taimi kotoa pe. Hange pe ko 'Ene tukupa ke muimkui kihe finangalo 'o e Tamai he taimi kotoa pe.
'Ofa Ki Hoto Kaunga Tisaipale
Sione 13:34-35 - Koe tu'ututuni jfo'ou 'oku ou tuku kiate kimoutolu. Kemopu fe'ofa'aki hange la ko 'eku 'fa'i kimoutolu, ke pehe foki ho'omou fe'ofa'aki. Koe me'a koee 'e 'ilo ai 'ehe kakai kotoa pe koe kau ako kimoutolu 'a'aku, 'o kapau 'e ai ha'amou fe'ofa'aki....."'Oku ikai ngata pe 'i he fika 'uluaki 'a Sisu 'ihe'etau mo'ui ka kuopau pe ketau 'ofa mo'oni 'i hoto kainga tisaipale. Koe fe'ofa'aki koe faka'ilonga ia 'e 'ilo 'ehe kakai 'a e kau akonga 'a Kalaisi
No comments:
Post a Comment