LESONI 10 (FAKATUPU) - KOE KAKATO E FAKATUPU

Folofola: Senesi 1; 2:1-3, Saame 8:3, Loma 8:19-22, Levitiko 11:14-22, Ma'ake 2:27-28

Senesi 2:2: Pea 'i hono fitu 'o e 'aho kuo faka'osi 'ehe 'Otua 'a 'Ene ngaue 'ai na'a Ne fai, pea na'e tutuku Ia 'i hono fitu 'o e 'aho, mei he 'Ene ngaue kotoa pe 'a ia na'a Ne fai"

'Oku 'ikai tala hangatonu mai 'ehe Tohitapu ia kiate kitautolu, ka 'oku lava ke tau kumi foki kiha ngaahi 'ilonga'anga. Na'a koe 'ilonga'anga mahu'inga taha koe Sapate pe, 'a ia 'oku ne tuku e taimi mavahe ki ha feiohi 'i he vaha'a ko ia 'o e 'Otua pea moe fa'ahinga 'o e tangata. Ngali na'a koe fokotu'u 'e he 'Otua 'a e uike ke 'omi ai ha vaha'a taimi fe'unga ki he ngaue anga maheni, kae kei tuku pe mo ha vaha'a taimi tu'uma'u ko ha fakamanatu ia 'o hotau va pea mo e 'Otua (sio kia Ma'ake 2:28). 'E tokoni 'eni ki he tangata ke ne manatu'i koe "'Otua 'a e taha tokonaki mo'oni pea 'oku tau matu'aki fakafalala kakato 'iate Ia. "

Koe ha pe 'a e 'uhinga, 'oku mahino ia 'oku fakahaa'i 'e he fakamatala Fakatupu Senesi ha Fakatupu na'e fai matu'aki tokanga mo fakapapau. Na'e 'ikai tuku ha toe me'a ia ke hoko no'ia pe, koe 'osi taha ia.

'Oku 'analaiso 'ehe lesoni 'o e 'aho ni 'a e fakamatala'i nounou ko ia 'e he Tohitapu 'a e 'aho Fakatupu 'e tolu faka'osi pea moe malolo 'o e Sapate. 'Oku ha 'a e fakamatala ko 'eni 'ia Senesi 1:1-2:3, ka 'oku 'iai 'a e ngaahi lave lahi ia ki ai 'i he ngaahi feitu'u kehe 'o e Tohitapu. Koe taha 'o e ngaahi 'eu mahu'inga taha 'o e talanoa Fakatupu ko 'ene vahevahe'i ko ia ki he ngaahi 'aho 'a e Fakatupu. Koe ha nai na'a Ne fili ai ke ngaohi 'a e takai (vilo) fa'ahita'u 'aho fitu 'a eee 'oku tau ui koe uike?

**************************************