Folofola: 2 Kolinito 4:6, Isaia 55:11, 2 Pita 3:5'Oku toe fa'u foki 'ehe kau tangata 'o e 'aho ni ha talanoa manakoa 'o e fakatupu 'o fou ia 'i he fakamalohi. Fakatatau ki he talanoa ko 'eni, na'e fiefie fakatupu 'e he 'Otua ha mamani 'aia 'e nounou ai 'ae tokonaki, ke tupu'anga ai ha fe'au'auhi fakafo'ituitui, koe ola leva 'e ta'aki fu'u 'ehe kakai malohi 'a e vaivai. Fakatatau mo e talanoa onopooni ko 'eni, 'oku 'alu pe taimi, moe toe fihi ange 'a e me'a mo'ui, 'o a'u ai ki hano fanau'i mai e tangata pea moe me'a mo'ui kehe kotoa pe mei ha tupu'anga pe taha.
Hili ko ia, koe "ngaahi 'otua" 'o e mahalo faka'evolusone (liliu noa moe fili fakaenatula) 'oku 'ikai ke tatau ia moe 'Otua ko ia 'o e Tohitapu. Koe 'Otua ko ia 'o e Tohitapu koe "TAHA-MALU'I" Ia 'o e vaivai, pea koe "TAHA-TOKONAKI" 'ofa ia ki he me'a mo'ui kotoape. Koe mate, mamahi, moe ngaahi kovi kehe na'e 'ikai fakatupu ia 'e he 'Otua; ko hono kehekehe, 'oku nau hoko mai koe ola fakaenatula ia 'o e fakafepaki ki he 'Ene founga pule lelei. 'Oku ngaue'aki 'e he ngaahi 'otua ia 'o e mahalo faka'evalusone 'a e fe'au'auhi pea moe ta'aki-fu'u 'oe vaivai 'ehe malohi ke fai'aki ia 'a e fakatupu. Koe kovitaha, 'oku nau fua e mate moe mamahi; koe mo'oni ia, koe tefito'i mo'oni 'o 'enau fakatupu koe mate moe mamahi.
Ko ia ai, 'oku 'ikai lava ke taha 'a Senesi 1 mo 2 ia 'i ha fa'ahinga founga, pea moe mahalo faka'evolusone onopooni, 'aia 'i hono uho 'oku fepaki ia moe faaitaha moe ma'uma'uluta 'oe fakamatala faka-Tohitapu 'o e fakatupu.
'OKU MALAVA PE KE HOKO 'ENI IA FOKI:
Neongo 'oku 'ikai lea fakapatonu'aki ia 'ehe Tohitapu, ka 'oku 'iai 'a 'etau ngaahi 'uhinga faka-Tohitapu lelei ketau tui na'e 'osi 'iai fuoloa pe 'a e 'univeesi ia ki mu'a ke kamata 'a e mo'ui mamani.
'Oku akonaki 'a e Tohitapu na'e fai fakatupu 'a e 'Otua mei he hala'ataa ('ekesiniolo), 'aki 'a e malohi ko ia 'o Ene Folofola pea 'ikai ha fepaki pe teke'i 'i ha fa'ahinga founga. Koe fakakaukau ko 'eni ki he fakatupu 'oku makehe ia ki he kakai Hepelu 'i ha kotoa ko ia 'o e kakai kuonga motu'a. Lahi 'a e ngaahi talanoa fakatupu ta'e-fakatohitapu ia 'oku nau tala 'a e fepaki moe fakamalohi 'i he fakatupu. Fakatata'aki 'eni: Na'e 'iai 'a e talanoa (fananga) fakatupu 'o e Papilone motu'a 'a ia koe taha-kovi ko 'Apisu pea mo hono mali ko Tiamati na'a na fanau'i ha to'u tangata 'o ha ngaahi 'otua na'a na toki feinga ke faka'auha, ka na'e tamate'i 'a Tiamati ia 'i he tau pea na'e vaheua leva hono sino, taha na'e ngaohi'aki 'a e ngaahi hevani pea koe taha na'e ngaohi 'aki 'a mamani.
- 'Ia Siope 38:4-6, 'oku pehe 'ehe 'Otua na'e 'iai 'a e me'a mo'ui ia na'a
nau kaila 'i he fiefia 'i he taimi na'e ngaohi ai 'e he 'Otua 'a
mamani. 'Oku fakahu'uhu'u 'eni ki he me'a mo'ui 'osi 'iai na'e mo'ui 'i
he 'univeesi ki mu'a ia 'i hono fakatupu 'o mamani. Koe lave ko ia ki ha
'univeesi "taka" (mamata pe kae 'ikai kau ha me'a) 'ia 1 Kolinito 4:9
ngali 'oku tuhu ia ki he kulupu me'a mo'ui tatau.
- Na'e 'i he
Ngoue 'Iteni 'a e ngata ki mu'a ke angahala 'a Atama mo Ivi. 'Ia Fakaha
12:9, 'oku fakapapau'i ai 'a e ngata ko Setane, 'a ia na'e li ki tu'a
mei Hevani. Na'e pehe 'e Sisu na'a Ne sio he hoko 'a e me'a ko 'eni
(Luke 10:18). 'Oku fakamatala'i 'e 'Isikeli 28:14-15 'a e selupi
fakamalumalu, na'e haohaoa 'i he kamata kae fai pe 'one angatu'u. 'Oku
fakahu'uhu'u 'eni na'e 'iai 'a e taimi ki mu'a 'i he angatu'u ko ia 'a
Setane pea 'oku mahalo leva na'e nofo foki mo Setane 'i he 'univeesi.
'Oku hanga 'e he ngaahi potutohi ko 'eni 'o fakahaa'i mai ko 'Atama mo
'Ivi na'e 'ikai koe ongo 'uluaki me'a mo'ui ia na'e fakatupu.
No comments:
Post a Comment