LESONI 12 (FAKATUPU) - FAKATUPU 'EA, FANGAMANU E VAI

Lesoni: Senesi 1:20-23

Koe ha 'a e fakamo'oni, kapau 'oku 'iai, 'oku 'i he ngaahi potutohi tene fakahu'uhu'unga 'a e "tupunoa pe?"

Na'e fakakakai 'a e ngaahi vai moe 'etimosifia 'i he 'aho hono nima 'o e Fakatupu. Koe tokolahi kuo nau sio ki he felave'i ko ia 'i he vaha'a 'o e 'aho hono ua moe nima 'o e Fakatupu. Na'e vahe'i 'a e ngaahi vai 'aki 'a e 'etimosifia 'i he 'aho hono ua, pea na'e fakafonu fakatou'osi kinaua 'aki 'a e ngaahi me'a mo'ui 'i he 'aho hono nima. Hangehange na'e fakahokohoko'i lelei 'a e hoko ko ia 'a e ngaahi me'a 'o e Fakatupu 'a ia 'oku ne fakae'a ai koha founga na'e fakakaukau'i, 'o fakahaa'i ai 'a e tokanga moe maau ko ia 'a e ngaue 'a e 'Otua. Toe fakalea 'e taha, 'oku 'ikai ha me'a ia 'i he fakamatala Fakatupu tene toe 'omai ha fa'ahinga faingamalie ki he "tupunoa pe"

Fakatokanga'i koe fakatou'osi 'a e ngaahi me'a mo'ui 'o e vai moe ngaahi me'a mo'ui 'o e 'ea 'oku fakalea ia 'i he palulalai (lahi hake 'i he taha) 'o fakahaa'i na'e fakatupu 'a e ngaahi me'a mo'ui fa'ahinga kehekehe 'i he 'aho hono nima. Na'e tapuaki'i 'a e me'a mo'ui takitaha'aki 'a e poto kenau fanafanau mo tupu ke lahi. Koe fakafa'ahinga kehekehe na'e 'i he kamata'anga pe ia.

Na'e 'ikai ha tupu'anga pe ia 'e taha 'a ia ke ha'u mei ai 'a e ngaahi fa'ahinga kehe, ka koe fa'ahinga taki taha hange kuo fakakoloa'i kinautolu ia 'aki 'a e malava kenau fanau'i e ngaahi taautaha kehekehe. Hange ko 'eni, oku lahi hake 'i he fangeau 'a e fa'ahinga 'osi fakahingoa kuo fakatupu mei he "lupe", 'ikai toe si'i hifo he fa'ahinga ia e uafitu 'o e ika koula kuo 'ilo'i. 'Oku mahino na'e foaki ange 'ehe 'Otua ki he 'Ene me'a mo'ui takitaha 'a e ivia kene fanau'i 'a e fanau tokolahi 'aupito, 'o tanaki atu ki he fakafa'ahinga kehekehe ko ia 'o e Fakatupu.

'I he veesi 21, na'e 'afio 'e he 'Otua na'e lelei 'a e ngaahi me'a mo'ui ko ia na'a Ne ngaohi. 'Oku fakahu'uhu'u 'eni na'e palani lelei'i kinautotlu, fakamanako ki he mata 'ikai 'iai ha mele pe fehalaaki, pea kau fakataha 'i he taumu'a ko ia 'o e Fakatupu.

'Oku si'i e ngaahi me'a mo'ui ia 'oku nau ue'i 'etau fakakaukau moe mahu'inga'ia 'o toe lahi hake 'i he fanga manupuna. Koe me'a mo'ui fakaofo mo'oni 'a e manupuna pea 'oku palani'i faka'ofo'ofa kinautolu. 'Oku ma'ama'a honau fulufulu kae malohi, fefeka kae 'ofe'ingofua. Koe ngaahi konga ko ia 'o ha fulufulu fefeka 'oku puke fakataha'i ia 'e ha ngaahi tala fihi iiki 'aia 'oku ne fakama'u fefeka kae ma'ama'a. Koe ma'ama'a 'o e manupuna 'oku palani'i 'aupito ia kene lava ma'u 'osikena 'o kane mihi pea 'i he'ene pu'aki foki.

'Oku 'omai 'ehe founga ko 'eni 'a e 'osikena lahi 'a ia 'e fie ma'u ia ki ha puna 'oku malohi. 'Oku a'usia 'a e ola ko 'eni 'aki 'a e 'iai e fanga ki'i tangai 'ea 'i he ni'ihi 'o e hui. 'Oku ngaue 'a e fanga ki'i tangai 'ea ko 'eni ke tokoni'i 'a e tafe ko ia 'a e 'osikena, pea 'i he taimi tatau, kene fakama'ama'a'i 'a e sino ko ia 'o e manupuna, 'o faingaofua leva 'a e puna ke tauhi ma'u mo pule'i. 'Oku fakaofo 'aupito 'a hono ngaohi ia o e manupuna

'Ikai 'oku fakaofo 'a e ngaue 'a Natula ke lava ai 'o fakahaa'i mai ai 'a e 'osikiavelenga, fakamaatoato, moe 'alo'ofa 'a e 'Otua ki he'ene ngaahi me'a fakatupu, kae tautautefito ki he "tangata" ko hono ofa'anga mata'ikoloa. Koe haohaoa 'o Ene Fakatupu 'oku ta'emahakulea ke fakamalo'ia, ka koe Malo Sisu pe moe faka-Emeni.