Senesi 1:24-31: Na'e fakatupu 'a e fanga manu fakaemamani moe tangata 'ihe 'aho hono ono. Hange koe felave'i ko ia 'i he vaha'a 'o e 'aho hono ua moe nima 'oku toe 'iai 'a e felave'i ia 'i he vaha'a ko ia 'o e vahe'i 'o e fonua moe tahi 'i he 'aho hono tolu moe fakafonu ko ia 'o e fonua 'i he 'aho hono ono. 'Oku toe fakamanatu mai 'a e hokohoko maau mo fakataumu'a ko ia 'o e ngaahi me'a 'o e Fakatupu, 'o faitatau ia moe 'Otua 'o e maau (1 Konlinito 14:33)
'Oku 'ikai ha tupu'anga taha ia 'o e fanga manu kotoa; ka na'e fakatupu 'ehe 'Otua ia 'a e ngaahi hohoko tokolahi 'oku faikehekehe mo manavahe.
Fakatokanga'i 'a e fakamatala ko ia "'O TATAU MO HONO FA'AHINGA" pe koe ngaahi kupu'i lea tatau 'ia Senesi 1:11,21,24,25. Kuo feinga 'a e ni'ihi kenau ngaue'aki 'a e kupu'i lea ko 'eni ke poupou'i 'aki 'a e fakakaukau ko ia koe "FA'AHINGA" tu'uma'u koe fakakaukau na'e ma'u mei he filosofia faka-Kiliki. Na'e fakakaukau 'a e kakai Kiliki fuoloa koe tautaha taki taha koe fakahahaa'i ta'e haohaoa ia 'o ha siping ta'e liliu, 'oku 'iloa ko ha fa'ahinga. Hili ko ia, koe tu'uma'u ko ia 'o e ngaahi fa'ahinga 'oku 'ikai faitatau ia moe akonaki fakaTohitapu ko ia 'oku mamahi (faingata'ia) 'a natula kotoa mei he fakamala'ia ko ia 'a e angahala (Loma 8:19-22). 'Oku tau 'ilo'i kuo liliu 'a e ngaahi fa'ahinga, hange ko ia na'e fakamatala'i 'i he ngaahi fakamala'ia'i 'o Senesi.
Koe fakamala'ia ko ia hili 'a e hinga 'a e tangata, hili 'a e angahala 'a Keini, pea moe hili 'a e Lomaki pea hange ko ia kuo 'asi 'i he fanga ki'i manu kainikavea (mo'ui 'i he funga mo'ui fakasiokita) moe fanga manu fekai 'oku nau fakatupunga 'a e mamahi lahi moe fakamalohi. Koe 'uhinga ko ia 'o e kupu'i lea "'O tatau mo hono fa'ahinga" 'oku mahino lelei ia 'i hono sivi'i 'a e 'uhinga lukufua ko ia 'oku ngaue'aki kiai.
Koe kupu'i lea ko ia "'I HONAU FA'AHINGA" pe ko hano tatau, oku totonu ke 'oua na'a faka'uhinga'i ia hange ko e lao 'e ni'ihi 'o e fanafanau. Ka 'oku lave ia ki he mo'oni'i me'a ko ia na'e 'iai 'a e fa'ahinga kehekehe 'o e me'a mo'ui na'e kau 'i he talanoa taki taha. 'Oku ngaue'aki 'ehe ngaahi liliu tohitapu ia 'e ni'ihi 'a e kupu'i lea "'I HONAU FA'AHINGA" 'aia 'oku ngali mo'oni ange ia ki he 'uhinga fakalukufua. 'Oku tuhu 'a e kupu'i lea ia ki he fa'ahinga kehekehe 'o e ngaahi me'a mo'ui ko ia na'e fakatupu 'i he 'aho hono ono, kae 'ikai 'uhinga ki he tu'uma'u ko ia 'o e fa'ahinga. Mei he taimi 'oe Fakatupu, kuo tokolahi 'a e ngaahi fa'ahinga ia 'oe 'akau iiki moe fanga manu.
Fehu'i: Senesi 6:20, 7:14 mo Levitiko 11:14-22. 'Oku 'ai fakafefe 'a e fakalea ko ia "i honau fa'ahinga" pe ko ha kupu'i lea tatau? 'Oku tokoni fefe mai kiate kitatutolu 'a e ngaahi fakatata ko 'eni ke 'ilo'i 'a e 'uhinga ko ia 'o e kupu'i lea 'ia Senesi 1?"
No comments:
Post a Comment