LESONI 14 (FAKATUPU) - KAKATO E FAKATUPU

Senesi 2:1-3: Fakatokanga'i, tautautefito ki he veesi 1, 'aia 'oku ne fakamamafa'i mai 'a e kakato ko ia 'o e me'a kotoa na'e fai 'ehe 'Otua. Koe ha 'oku mahu'inga 'aupito ai 'eni ki he'etau 'ilo'i koia 'a e mahu'inga 'o e 'aho hono fitu?

Koe fo'i lea faka-Hepelu ki he malolo ('Oku liliu 'i he Tohitapu FakaTonga koe "tutuku") 'i he potutohi koe "Sapati", 'a ia 'oku felave'i ofi ia moe fo'i lea ko ia ki he Sapate. 'Oku ne fakahinohino'i mai 'a e tuku ko ia 'oe ngaue 'i he kakato 'o ha fo'i ngaue. Na'e 'ikai ke ongosia mo feima'u maloloo 'a e 'Otua ia; na'e 'osi 'a 'Ene ngaue fakatupu pea ko ia ai na'a Ne tuku. 'Oku nofo 'a e tapuaki makehe ia 'a e 'Otua 'i he 'aho hono 7. 'Oku 'ikai ngata pe 'i hono "TAPUAKI'I" ka 'oku toe "FAKATAPU'I" (FAKAMA'ONI'ONI'I) 'a ia 'oku ne ma'u 'a e fakakaukau ko ia 'o e tuku makehe mo fakatapui mavahe ki he 'Otua. Ko ia ai na'e 'omi 'ehe 'Otua 'a e 'uhinga makehe ia ki he Sapate 'i he 'uhinga lukufua ko ia 'oe fekainga'aki 'i he vaha'a 'o e 'Otua pea moe tangata.

Ma'ake 2:27, 28 - Koe ha 'a e me'a na'e lea ki ai 'a Sisu koe taumu'a ia 'o Sapate?

Fakatokanga'i na'e 'ikai ngaohi 'a e Sapate ia koe'uhi na'e 'iai 'a e fiema'u 'a e 'Otua ka koe'uhi na'e 'iai 'a e fiema'u ia 'a e tangata 'a ia na'e tokonaki ki ai 'a e 'Otua. 'I he ngata'anga ko ia 'o e 'uluaki uike, na'e malolo ai 'a e 'Otua mei he 'Ene ngaue fakatupu pea fakatapui Hono taimi ke fetu'utaki pea mo 'Ene me'a mo'ui. Na'e fiema'u 'ehe tangata ia 'a e feohi mo honau Taha-Ngaohi koe'uhi kenau 'ilo'i ai 'a honau tu'unga 'i he 'univeesi. Fakakaukau loto ange ki he fiefia moe ofoofo ko ia na'e a'usia 'e "Atama mo 'Ivi " 'i he'ena talanoa pea moe 'Otua mo mamata ki he mamani ko ia kuo Ne ngaohi. Koe poto ko ia 'o e tokonaki ko 'eni ki he malolo kuo hoko ia 'o toe mahino ange hili 'a e angahala. 'Oku tau fiema'u 'e kitautolu 'a e maloloo 'o e Sapate koe'uhi ke malu'i kitautolu ke 'oua 'e mole 'a 'etau sio mei he 'Otua pea ma'u kitautolu ' i he mo'ui fakamatelie moe "fakaongoongosia" (Koe ngaue 'o fu'u lahi. Koe tokanga ke ngaue 'ata'ata pe, Ngaue lahi)

FEHU'I: 'Oku fekau'i kitautolu 'e he 'Otua ketau foaki 'a e vahe fitu 'e taha 'o 'etau mo'ui ki hono fakamanatu 'oe ngaue ko ia 'o e Fakatupu. Koe ha 'a e me'a 'oku totonu ke tala mai 'e he me'a ko ia kau ki he mahu'inga 'o e fo'i akonaki? 'Oku lava fefe ke ke ako keke a'usia loloto mo malohi ange 'a e 'Eiki 'i ha'o malolo 'i he Sapate 'o hange ko 'Ene fakahoko Tonu ia?