LESONI 16 (FAKATUPU) - FAKATUPU PEA MOE HINGA

NA'E OLO POTO (KAKAA) LAHI HAKE 'A E NGATA

Lesoni: 3:1-15, Matiu 4:3-10, Kolose 2:20-23, Sione 3:17, Fakaha 14:6-7

Senesi 3:15 - " Pea te U tuku 'a e taaufehi'a 'iate koe moe fefine, pea ki ho hako mo hono hako; 'e laiki 'e Ia ho 'ulu, pea te ke fakavolu 'e koe 'a hono muiva'e..."

Kihe kakai 'e ni'ihi, koe fakakaukau ko ia 'o e tevolo koe fakakaukau he fuoloa ia ke 'oua 'e to'o fakamaatoato'i. Kae kehe, 'oku fakapatonu mai ' e Tohitapu: neongo ko Setane koe fili 'oku 'osi iku'i (Fakaha 12:12, 1 Sione 3:8), 'oku ne lolotonga 'i heni 'i he mamani , pea 'oku ne fakapapau'i kene fakatupu 'a e maumau lahi taha mo e faka'auha 'e ala fai ki he fakatupu 'a e Otua.

Senesi 3:1 - 'Oku fakamatala'i fefe 'a Setane, 'i he founga ko ia 'o ha ngata. 'Oku fakahaa'i fefee 'a e mo'oni 'o e fakamatala ko ia he fo'i veesi 'e taha ko 'eni?

Koe kaka ko ia 'a e ngata 'oku 'ilo'i ia 'i he founga 'o 'ene faka'asi mai 'ene fakatauvele. 'Oku 'ikai kene 'ohofi hangatonu ia 'e ia kaa 'oku ne feinga 'i he fakatalanoa'i 'ae fefine. Tokanga'i koe ngaahi lea ko ia 'a e ngata 'oku kau ai 'a e ongo 'eu palopalema 'e ua:

1. Na'ane 'eke pe koe mo'oni na'e ngaue'aki 'e he 'Otua ha lea makehe pehe. 'I he taimi tatau, na'a ne fakalea 'ene fehu'i ke fakatupu talafili kau ki he anga-'ofa ko ia 'a e 'Otua. Ko hono mo'oni, 'oku ne pehe, "'Oku mo'oni koaa na'e ta'ofi 'ehe 'Otua ia ha mea' pe meiate koe? Me'a ni na'e 'ikai ke NE foaki kiate kimoua ha ngofua ke mo kai mei he 'akau kotoape 'i he ngoue?" Koe'uhi koe taumu'a tukuhala'i ko ia 'o e ngaahi akonaki 'a e 'Otua, 'oku fakatauele'i ai 'e he ngata 'a e fefine ke fakatonutonu'i 'ene lea 'o lava tohoaki ai ia ki he fepotalanoa'aki. Koe palani ko ia 'a e ngata koe koto "KAKAA" pau.
2. Koe mo'oni ia 'oku hala ha me'a ai 'e taha 'oku totonu ke fakaofo. Na'e ui 'e Sisu 'a e tevolo koe TAHA LOI moe TAMAI 'A E LOI (Sione 8:44). 'Ia Fakaha 12:9 'oku lohiaki'i ai 'ehe tevolo 'a mamani kotoa, 'aia 'oku 'uhinga ia 'oku hala ha taha 'ia kitautolu 'o a'u ki he kau Kalisistiane 'oku hao. Mahino ia kuo te'eki ke mole 'ia Setane ia 'a 'ene kaka pe 'ulungaanga loi. 'Oku ne kei ngaue'aki pe 'a e palani ko ia na'e ngaue lelei 'ia 'Ivi. 'Oku ne hanga 'o fokotu'u mai 'a e ngaahi fehu'i kau ki he Folofola 'a e 'Otua pea mo 'Ene taumu'a, 'o 'amanaki ke fakatala'a'i mo tohoaki'i kitautolu ke "fetalanoa'aki." Kuo pau ketau fa'a le'o (1 Pita 5:8) koe'uhi ketau fakafepaki'i 'a 'ene ngaahi filio'i.

FEHU'I:       Matiu 4:3-10 mo Senesi 3:1:
Koe ha 'a e kakaa tatau na'e fai 'e Setane kia Sisu, pea koe ha 'a e 'uhinga na'e 'ikai lava ai? Koe ha 'a e lesoni 'oku lava ketau ako mei he founga tali 'a Sisu ki he 'ohofi ko ia 'a e tevolo 'i he toafa. 'I he ngaahi founga ha 'oku feinga ai 'a Setane 'i he me'a tatau kia kitautolu he taimi ni?

KO E FEFINE (IVI) PEA MOE NGATA
Senesi 3:2-3:
Na'e tali fefe 'a e fefine ki he ngata? Ko ha 'a e ngaahi hala na'a ne fai?
Neoongo na'e 'osi 'ilo'i lelei 'e 'Ivi 'a e fekau 'a e 'Otua, 'aia 'oku ne fakahaa'i 'a hono ala tukuaki'i, ka 'oku ne lea ia 'o too ki tu'a mei he me'a ko ia na'e folofola kiai 'a e 'Otua, o hange pe koaa na'e tohi 'i he Tohitapu. Na'e 'osi tu'utu'uni mahino 'e he 'Otua 'a Atama mo 'Ivi ke 'oua na' na kai meihe 'akau, na'e 'ikai ha lea ia kau ke 'oua 'e ala ki ai. Koe'uhi 'oku 'ikai ketau 'ilo'i ia 'e kitautolu ko e ha e me'a na'a ne ue'i ia ke lea pehe ai,'oku lelei ke 'oua 'e fakamahalo'i hono tupu'anga. Neongo 'oku 'ikai ha fehu'i ia: koe fakakaukau ko ia na'e totonu ke 'oua tene ala ki he fua'i 'akau, 'e si'i ange ai ha'ane hehema ke kai ia, koe 'uhi 'e 'ikai lava kene kai ha me'a 'e 'ikai kene lava ala kiai.

Koe ha hono tu'o lahi 'o 'etau fehangaangai moe me'a tatau 'i he 'aho ni: 'a e ha'u ha taha moe ngaahi akonaki, koe ngaahi poini lahi, matamata lelei mo 'uhinga ngali poto ki he 'atamai, kae 'ikai tatau kotoa ia moe Tohitapu koe ha leva ho'o me'a teke tui kiai? KOE FOLOFOLA 'A E 'OTUA (WORD OF GOD) oku TAHA pe pea HILIO he ngaahi Tokateline kotoa moe mo'oni kotoa. 'Oku lahi 'a e "NGAAHI TOHI FEKAU'AKI MOE FOLOFOLA 'A E 'OTUA (Words About God), ka 'oku kei pule fakaleveleva pe 'a e Tohitapu. Na'a moe fakakaukau lelei taha fio moe mo'oni, 'oku kei ui pe ia koe hala pea 'e kei pe hala ia.

TANAKI FAKAKAUKAU: Matiu 15:7-9 - Koeha 'a e valoki 'a Sisu ki he kau sikalaipe (tangata tohi) moe kau Falesi 'o kau ki he toe tanaki ko ia 'o e fakakaukau fakaetangata ki he Folofola 'a e 'Otua". Fakatatu'i 'eni mo Fakaha 22:18 pea mo Kolose 2:20-23. Koe ha 'a e ngaahi fakatu'utamaki 'oku hoko mei hano fa'u ha ngaahi lao 'oku tau fakakaukau tene malu'i kitautolu mei angahala (veesi 23).

*******************************************************