LESONI 17 (FAKATUPU) - KAKA'I E FAKAMO'ONI

Lesoni: Senesi 3:4-6

Tefito'i Fakakaukau: Koe ha 'a e ngaahi tefito'i mo'oni na'e iku ai ki he hinga 'a Atama mo Ivi? Koe ha ha lesoni 'oku lava ketau ako mei he 'ena a'usia 'e lava tokoni kiate kitautolu he 'etau fekuki mo fehangahangai ai moha fa'ahinga 'ahi'ahi pehe?

Na'e ikuna 'a Setane 'i he'ene tohoaki 'a 'Ivi kena fepotalanoa'aki pea mo hono fakatupu veiveiua'i kau ki he me'a ko ia na'e folofola ki ai 'a e Otua pea mo hono 'uhinga. 'Oku ne tala ange leva kia 'Ivi 'i he taimi ni 'oku 'ikai tala 'e he 'Otua ia 'a e mo'oni pea ne fakamatala ange leva kau ki he taumu'a ko ia 'a e 'Otua fekau'aki pea mo hono tapui kinaua kena kai mei he fua'i 'akau. Fakatatau kia Setane, 'oku hanga he'e 'Otua 'o ta'ofi 'a e me'a lelei koe'uhi ke 'oua 'e a'usia 'e Atama mo Ivi hona poto (ivi, me'a 'oku lava, tufakanga). 'I hono fai ia, 'oku hoko atu 'a Setane ia 'i he'ene fehu'i ki mu'a pe "kuo ta'ofi 'ehe 'Otua ia ha ngaahi 'akau 'e ni'ihi meiate kinaua."

'Oku ngaue'aki 'e 'Ivi 'a e founga fakamo'oni 'e tolu ke tataki ia ki he iku'anga tene ma'u 'a e lelei mei hono kai ko ia 'o e fua'i 'akau:

1. 'Oku ne sio 'oku LELEI 'a e 'akau ia kihe me'atokoni. Ngalingali kuo ne sio 'oku kai 'ehe ngata ia 'a e fua'i 'akau. Ngali na'ane lea kau ki he ifo. 'Oku fakaofo he neongo kuo fakaha ange kia Atama mo Ivi ke 'oua na'a na kai mei ai, ka 'oku ne fakatokanga'i ia 'e ia 'oku "lelei ia ke kai." Koe talanoa 'o kau ki he fepaki 'i he vaha'a 'o e ngaahi ongo pe mo ha mahino e "Na'e folofola pehe 'a e 'Otua!"
2. Founga hono Ua, 'oku ne fakaloto'i ai 'a Ivi kene kai 'a e fua 'o e 'akau he 'oku FAKAMANAKO KI HE MATA. 'Oku 'ikai ha tala'a ia 'oku faka'ofo'ofa e fua'i 'akau kotoa 'i he ngoue, ka 'i he 'uhinga 'e ni'ihi,'oku maatu'aki manako pe 'a 'Ivi ia 'i he fua'i 'akau ko ia 'oku 'oange pe koe fo'i 'akau 'a Setane.
3. Koe malohi ko ia na'e mahalo ki he fua'i 'akau kene 'ai ha taha 'o POTO koe 'uhinga ia hono tolu 'oku fiema'u ai 'e 'Ivi kene kai mei he fua'i 'akau. Na'e fakapapau'i ange ' ehe ngata ko hono kai koia 'o e fua'i 'akau tene fakalahi 'e ia 'ene 'ilo pea 'ai ia kene hange koe 'Otua. Koe mo'oni ia, koe heliaki fakamamahi heni, fakatatau ki he Tohitapu, 'oku ne 'osi hange ia koe 'Otua (Senesi 1:27).

FEHU'I: 'Oku tala mai kiate kitautolu na'e kakaa'i 'a 'Ivi, ka na'e 'ikai 'a 'Atama (1 Timote 2:14). Kapau na'e 'ikai kaka'i 'a 'Atama, koe ha na'a ne kai ai? Ko Atama na'e talangata'a he 'ilo'ilo pau ki he 'Otua,'o fili kene mumui kia 'Ivi ('E IVI E TEU KAI PE KO 'EKU 'OFA 'IATE KOE) kae 'ikai koe OFA ki he 'Otua. Pea koe ha hono lahi 'o e fa'a hoko 'a e fa'ahinga 'ulungaanga OFA FAKA-ATAMA VALE ko 'eni 'oku 'asi 'i he'etau ngaah mo'ui he 'aho ni? Koe ha hono lahi 'o e lava ke 'ahi'ahi'i kitautolu 'e he me'a ko ia 'oku lea'aki mo fai 'ehe kakai kehe,'o tatau aipe pe koe ha hano lahi 'o e kehe 'aupito (fepaki) 'enau ngaahi lea moe ngaue mei he Folofola ko ia 'a e 'Otua?

Na'e fanongo 'a 'Atama ia kia 'Ivi kae 'ikai kihe 'Otua pea koe iku'anga leva 'oe fu'u OFA FAKA'ATAMA VALE pehe koe afungia ai si'i toenga 'oe tangata kuo 'iloa koe "hisitolia 'o e tangata (Loma 5:12-21)." Pea si'i kalanga si'i Paula : "Oiaueeee fakapo ‘si’i toki mala’ia ka ko kita “Ko hai tu tene hanga ‘o fakahaofi au mei he fu’u angahala ni, 'a e fu'u 'ofa ngali vale pehe 'etau 'uluaki daddy 'ia Mummy!!