FEPALE: Na'e pole'i tu'a taha ai 'eha tangata saienisi 'a e fiema'u ko ia 'o e 'Otua; na'ana fakakikihi tene lava 'o fakatupu e tangata 'o lelei tatau pe ia moe me'a na'e lava 'ehe 'Otua 'o fai. Na'e pehe leva 'e he 'Otua, "Sai hoko atu pea ke fai ia." Na'e kamata tanaki mai 'ehe tangata saienisi ha efu, ka na'e pehe mai 'a e 'Otua, "Tali si'i ange. Tukunoa'i 'eku efu kake ngaohi ha'o efu 'a'au"
Neongo koe fo'i talanoa ko 'eni koe fepale pe ka 'oku mahino 'a e poini: koe 'Otua pe 'a e Taha te Ne lava fakatupu mei he hala'ata. Na'e ngaohi 'ehe 'Otua 'a e naunau kotoa pe 'o e 'univeesi, kau ai hotau fo'i mamani, me'a 'oku tau ma'u, pea mo hotau sino. Ko Ia 'oku 'a'Ana fakalao 'a e me'a kotoa pe.
Ko ha himi Kalisitiane manako'anga 'oku kamata'aki e ngaahi lea ni, KOE MAMANI 'O 'EKU TAMAI: "Koe mamani mo'oni 'eni ia 'o 'etau Tamai, koe'uhi na'a ne fakatupu ia. 'Oku 'ikai ha toe 'eke'i fakalao ia 'o e 'o'Ona 'a mamani 'o toe lahi ange ka ko Ia 'a e Taha Fakatupu. Na'e fakatupu 'ehe 'Otua pea ko ia ai 'oku 'o'Ona 'a e univeesi kotoa, 'a hevani mo mamani, pea moe me'a kotoa 'oku 'iai."
'Oku 'ikai ngata pe 'i he 'a e 'o e 'Otua 'a mamani, ka 'oku totonu 'a e 'a'Ana 'o e me'a mo'ui kotoa pe 'i mamani foki. 'Oku 'ikai ha toe me'a mo'ui ia 'oku 'iai hano mafai kene fakatupu ha mo'ui. Koe 'Otua pe 'a e Taha-Fakatupu, pea koe'uhi ko ia, ko Ia leva 'oku 'o 'Ona fakaleveleva 'a e me'a mo'ui kotoa pe. 'Oku tau fakafalala kakato kotoa 'i he 'Otua ki he'etau mo'ui. 'Oku 'ikai ketau lava foaki ha me'a ki he 'Otua ngata pe 'i he'etau tukupa ('ofa mateaki, mateaki); he koe me'a kehe kotoa pe ia 'i mamani 'oku 'osi 'a'Ana ia.
'Oku toe mahu'inga ange, 'oku 'a e 'Otua kitatutolu 'o 'ikai 'i he fakatupu pe, ka 'oku toe mahu'inga ange, 'i he huhu'i. Neongo koe me'a'ofa fakaofo mei he 'Otua ka kuo maumau'i lahi 'a e mo'ui 'a e tangata koe'uhi koe angahala, pea 'e iku ia ki he mate, 'a ia koha me'a fotu mai ia tene fakatekelei'i 'a e 'uhinga moe taumu'a kotoa 'oe mo'ui. Koe mo'ui,hange ko ia 'oku hoko kiate kitatutolu 'i he taimi ni, 'oku 'ikai fu'u fefe fau. Ko 'etau amanaki pe 'a e tala'ofa fakaofo ko ia 'o e huhu'i, koe me'a pe ia 'oku ne lava 'o 'ai 'a e ngaahi me'a ke toe "tonu". Ko ia ai, 'oku 'a Kalaisi kitautolu 'i he fakatupu pea moe huhu'i
FEHU'I: Koe ha 'a e fekau tefito kiate kitatutolu 'i he ngaahi potutohi ko 'eni? Toe mahu'inga ange, koe ha 'a e me'a 'oku tala mai 'e he fekau ko 'eni kiate kitatutolu 'o kau ki he founga ko ia 'oku totonu ketau fehokotaki ai ki mamani, ki he kakai kehe, pea ki he 'Otua?
No comments:
Post a Comment