Na'e fefe 'a hono "Fakamala'ia'i 'a mamani, pea koe ha 'a e iku'anga 'o e ngaahi fakamala'ia ko ia?
Kapau tetau fakatokanga'i ange koe mamani 'oku tau nofo ai ' i he taimi ni 'oku matu'aki kehe 'aupito ia mei he mamani ko ia na'e ha'u meia Sihova 'i he ngata'anga ko ia 'o e Fakatupu. 'Oku 'iai 'a e ngaahi fakamo'oni lahi ia 'o e faka'ofo'ofa moe palani 'i he meimei feitu'u kotoa pe 'o e atakai ne nofo ai 'a e 'uluaki matu'a. Ka na'e mahino 'i he mauma'ui he'e angahala 'a e feohi koia moe 'Otua ne pau ai ke tapuni he'e 'Otua e mamani haohaoa ko ia ko "Iteni" kae tuku mai kitautolu ki he 'atakai moe mamani 'o e lolotonga ni 'aia 'oku fakangatangata ia ki he taimi mo e feitu'u (time and space) 'oku tau nofo ai pea pehe foki moe ngata'anga 'etau mo'ui koe mate.
Koe fakamala'ia ko ia 'i he kelekele koe'uhi ko 'Atama 'oku pau na'e kau ai 'a e pule'anga ia 'oe 'akau, koe'uhi ko hono iku'anga 'e fakakau ai 'a hono fanau'i mai 'o e talatala moe longolongo'uha. Koe fakahu'uhu'u 'oku uesia kotoa 'a e fakatupu 'e he ngaahi fakamala'ia koe ola mei he fai angahala 'a e tangata.
Koe tautea fakamala'ia ko ia 'o Atama na'e 'ikai fakangatangata pe ia kiate ia ka na'e tuku ia ki mamani kotoa. Koe pango koe ngaahi fakamala'ia koe ia koe'uhi koe angahala na'e 'ikai ngata ia heni - koe'uhi na'e fehangahangai 'a mamani ia moe toe fakamala'ia 'e taha, 'a ia koe Lomaki na'a ne maumau'i lahi ia 'e ia. 'A ia 'oku mahino, koe Lomaki mamani- katoa ia. "Pea na'e nanamu 'e Sihova ki hono ngangatu lelei, pea na'e pehe 'e Sihova 'i hono finangalo, 'E 'ikai teU toe fakamala'ia'i 'a e fonua koe'uhi koe tangta; he 'oku kovi 'a e ngao'i 'o e loto 'o e tangata mei he'ene kei si'i; pea 'e 'ikai te U toe taa'i 'a e ngaahi me'a mo'ui kotoa pe 'o hange ko ia ku Ou fai" (Senesi 8:21)
Na'e maumau'i 'e he Lomaki 'a e fa'unga 'o e vai ko ia na'e fokotu'u 'e he 'Otua 'i he Fakatupu, 'o ta'aki 'a e kelekele mei he ngaahi konga 'o mamani 'o tuku ia 'i he ngaahi feitu'u kehe. Na'a moe taimi ni, 'oku hokohoko atu 'a hono sivi'i e kelekele 'e he 'uha, 'o to'o 'ene mo'ui pea toe fakasi'isi'i ange 'ae fua ko ia 'oku ne fakatupu. 'Oku palomesi 'ofa mai 'a e 'Otua 'e 'ikait toe fakamala'ia'i 'a mamani, ka koe kelekele ko ia kuo tau ma'u he tukufakaholo koe fakamamani ia mei he kelekele, mahu mo fual lelei ko ia na'e fakatupu 'e he 'Otua.
FEHU'I: Loma 8:19-22 - Neongo koe ngaahi veesi faingata'a 'eni, ka 'oku nau fehokotaki fefe moe me'a ko ia kuo tau sio kia 'i he 'aho ni? Toe mahu'inga ange, koe ha 'a e 'amanaki 'i loto 'oku lava ketau ma'u meiate kinautolu?
No comments:
Post a Comment