Talateu: 'Oku tau sio fefe ki he ngaahi mo'oni malohi ko ia 'o e ngaahi lea ko 'eni 'oku fakahaa'i 'i hotau taimi pea moe 'uhinga lukufua 'o e 'aho ni, meimei ta'u ia 'e ua afe hili hono tohi ko ia kinautolu?
Koe'uhi koe tangata, kuo tau 'osi ma'u 'e kitautolu ha 'ilo moha fakamatala lahi faka'ulia, tautautefito ki he ta'u e 200 faka'osi. Kae kehe, koe 'ilo moe fakamatala, 'oku 'ikai pehe ia koe me'a tatau kinaua moe poto. Kuo tau toe ma'u foki moe mahino 'o e mamani fakaenatula 'oku toe lahi ange ia 'i he mahino ko ia 'a 'etau ngaahi tamai 'i mu'a. Kae kehe, ko ha mahino 'oku toe lahi ange, 'oku 'ikai pe koe me'a tatau ia pea moe poto
'Oku fu'u lahi 'aupito 'a e me'a ki he fakakaukau 'a e tangata 'oku ne pole'i 'a e Folofola 'a e 'Otua. Pe koe palopalema ko ia 'o e Toetu'ua 'a Sisu, koe Fakatupu 'iate ia pe, pe koha fa'ahinga mana, "Poto" fakaetangata (pea na'a mo hono poupou'i 'aki e ngaahi "mo'oni'i me'a" 'o e Saienisi.) kuo pau ke lau ia koe "vale" i he taimi 'oku fepaki ai moe Folofola 'a Sihova.
Hange foki ko ia na'e lea'aki 'anenai, 'oku fu'u lahi e saienisi he 'aho ni tautautefito 'i he 'uhinga lukufua ko ia 'o e tupu'anga 'o e tangata, 'oku kamata ia mei he fakakaukau matu'aki fakaenatula mo'oni. Neongo koe tokolahi 'o e kau poto fakasaienisi lalahi 'o e hisitolia - Niutoni, Keilaa, Kalileo - koe kau tui ki he 'Otua pea nau taku 'enau ngaue koe tokoni ia ke fakamatala'i 'a e ngaue 'a e 'Otua 'i he fakatupu (na'e tohi tu'o taha ai 'e Keilaa, " "E 'Otua, 'oku ou pehe ko Ho'o ngaahi fakakaukau 'oku hange ko Koe"), koha fa'ahinga fakakaukau (ongo) pehe ni 'i he 'aho ni 'oku fa'a manuki'i ia 'e he ngaahi kupu ko ia 'o e kominiuti saienisi.
'Oku a'u ki he kumi 'a e fa'ahinga 'e ni'ihi ke fakamatala kehe'i 'a e ngaahi talanoa mana ko ia 'i he Tohitapu 'aki 'a 'enau fakakikihi koe me'a ha mai fakanatula mo'oni pe ia na'e hoko, ne hanga 'e he kakai fuoloa, 'i he'enau ta'e 'ilo ki he ngaahi lao 'o natula, 'o faka'uhingahala'i koe ngaue faka-Otua. Fakatata 'aki 'eni, 'oku 'iai 'a e ngaahi mahalo tui fakaenatula kehekehe 'oku nau kumi ke fakamatala'i 'a e mavaeua ko ia 'a e Tahi Kulokula ko ha me'a kehe pe ia mei he mana 'a e 'Otua. 'I he ngaahi ta'u si'i kuo hili, na'e fakamahalo ai ha tokotaha saienisi 'o pehe na'e ma'u faito'o 'a Mosese ia, pe ne hehe'ia pe ia 'i he fo'i fakakaukau ko ia na'e foaki ange 'ehe 'Otua kiai 'a e Fekau 'e 10 'i ha ongo makalafalafa!
Neongo e ngali ongo sesele 'a e ni'ihi 'o e me'a, ka ko ho'o teke'i pe 'a e fakakaukau 'o e 'Otua pea moe faka'Otua, 'oku fie ma'u leva ia keke ha'u koe mo ha fakamatala kehe 'e ni'ihi ki he ngaahi me'a ko 'eni: koe 'uhing ia, na'e tohi fakamahino mo fakakikite ai 'a Paula 'o kau ki he "vale
ha ha koe tangata koe me'a fakalanga lea e lahi e fie'ilo'ilo ki he Mo'oni Tapu 'o e Folofola
ReplyDelete