LESONI 22 (FAKATUPU) - 'I HE VAKAI 'A E TUI

Lesoni: Saame 8, Saame 19:1- 4, Sione 14:9

Koe Saame 8 koe taha ia 'o e ngaahi Saame manakoa lahi taha. Kia Tevita, koe tangata tui ki he 'Otua, na'e lea 'a e Fakatupu 'o fekau'aki pea moe ngeia moe 'ofa 'a e 'Otua. Koe ha 'a e lesoni makehe na'e sio kiai 'a Tevita 'i he fakatupu 'o hange ko ia na'e tohi 'ia Saame 8? Toe fakakaukau ange, ki he me'a ko ia 'oku tau 'ilo'i he 'aho ni kau ki he Fakatupu - koe mahina moe ngaahi fetu'u moe ngaahi me'a pehe - 'o fakafaikehekehe'i ia moe me'a ko ia na'e 'iloa atu ki mu'a koe ha hono 'uhinga 'oku ngali taau lahi ai ke tokanga'i 'a e ngaahi lea 'a Tevita.

Koe toki ta'u pe teau fakamuimui ne kamata mo'oni ai ke mahino kiate kitautolu 'a hono kafakafa ko ia 'o e 'univeesi, pea mei ai 'a hotau ha si'isi'i 'i hono fakatatau'i. Na'a mo taha ke faka'uta kiha taha hange ko Tevita, 'o manavahe pe ia mei he fakaha faka-'Otua, ke 'iai ha'ane fakakaukau ki hono lahi ko ia 'o e "ngaahi langi". Kapau na'ane fakatumutumu 'i he taimi ko ia, koe ha leva hono lahi 'o e totonu ko ia ketau pehe, 'o 'ilo'i neongo hono lahi 'o e 'univeesi, ka 'oku 'ofa pe 'a e 'Otua ia 'iate kitatutolu 'aki 'a e 'ofa 'oku 'ikai teitei lava ia ketau kamata makupusi (a'usia hono 'uhinga,fua hono loloto)

Saame 19:1-4 - Koe ha 'a e me'a na'e sio kiai 'a Tevita 'i he ngaahi langi?

Tokolahi kuo nau sio hake ki he ngaahi fetu'u 'i he po'uli pea nau fakatokanga'i 'a hono lahi ko ia 'o e 'Otua pea moe si'i ko ia e fa'ahinga 'o e tangata pea kuo nau fakafeta'i ki he 'Otua koe'uhi ko 'Ene tauhi. Ko e ni'ihi ia kuo nau fakamamafa kinautolu 'i he palopalema ko ia 'o e kovi 'i natula pea nau tukuaki'i leva 'a e 'Otua ki he ngaahi palopalema 'a ia, ko hono mo'oni, koe nunu'a pe ia 'o 'enau fili pe koe ngaahi ngaue 'a e tevolo.

Kihe taha-tui, 'oku lea mo'oni 'a e fakatupu ia 'o kau ki he tauhi 'a e 'Otua, pea na'a moe lotolotonga ko ia 'o e kovi na'e 'omai 'e Setane. Kae neongo 'a e fakamo'oni malohi mo talaloto 'a e mamani na'e fakatupu, 'oku ta'e kakato 'a e fakaha ia tautautefito tu'unga 'i he ngaahi nunu'a ko ia 'o e Hinga pea moe ngaahi fakamala'ia ko ia kuo ne 'omai.

Sione 14:9 - Koe fakakaukau kia Sisu 'i he kolosi. Koe ha hono 'uhinga 'oku pau ai koe Kolosi koe fkaha mahu'inga ma'u ia pe ia kiate kitatutolu 'a e natula moe 'ulungaanga ko ia 'oe 'Otua?