Filipai 4:19 - "Ka 'e taufetuku 'e hoku 'Outa ki ho'omou masiva kotoa pe, 'o fakatatau ki he 'Ene koloa 'i he naunau 'ia Kalaisi Sisu.."
'Oku tauhi ma'u 'e he 'Otua 'a e fakatupu 'i ha fa'ahinga founga 'oku fakahoa ai 'i he taimi 'e ni'ihi 'a e 'univeesi ki ha misini kuo tukuange pe 'ehe 'Otua ke lele pe 'iate ia.
Kae kehe, 'oku 'iai 'a lea fakatataa toe sai ange ia he misini, koe fakatupu 'oku hange ha me'alea fakamusika 'oku ngaue'aki 'e he 'Otua ke ma'u ai 'a e "fasi" ko ia 'oku fiema'u. Toe fakalea 'e taha, 'oku Ne kau ma'u 'i hono tauhi 'a e me'a ko ia na'a Ne fakatupu.
'Oku 'ikai ha me'a ia 'i he 'univeesi 'e hoko mai ta'e fakafalala 'ia Sihova. Na'a Ne fakatupu 'a e me'a kotoa pe ko ia na'e 'osi fakatupu. "Na'e ngaohi 'e Ia 'a e me'a kotoa pe; pea na'e 'ikai ha me'a 'e ngaohi kae 'iate Ia pe (Sione 1:3). 'Ikai ngata pe ai, ka ko Ia 'a e Taha 'oku Ne tauhi katoa. 'Oku toe fakaofo lahi ange, koe Taha ko ia na'e fakatupu mo tauhi katoa ia koe Taha pe ia na'e kalusefai ma'a kitautolu.
'I he talaki ko ia 'e he kau 'Aposetolo, pea pehe foki ki he fakamo'oni 'a e Laumalie Ma'oni'oni fekau'aki mo Sisu Kalaisi "Koe me'a Kotoa pe kuo fakatupu 'iate Ia, pea kiate Ia, pea 'oku Ne 'i mu'a 'i he me'a kotoape, pea 'oku pukepuke fakataha ai 'a e me'a kotoa pe 'iate Ia. (Kolose 1:16-17)" Koe nima ko ia 'oku ne tauhia 'a mamani 'i he 'ataa, 'a e nima ko ia 'oku ne pukepuke 'a e fokotu'utu'u maau mo ngaue ta'ehela'ia 'a e ngaahi me'a kotoa pe 'i he univeesi 'o e 'Otua, koe nima pe ia na'e tuki fa'o 'i he kolosi koe 'uhinga pe ko hotau fakahaofia moe huhu'i mei he mala'ia ta'engata....
No comments:
Post a Comment