LESONI 29 (FAKATUPU) - KOE MALI MOE SIASI

'Oku 'ilo lahia ia 'ehe fanauako 'o e Tohitapu, fakatou'osi 'i he Fuakava Motua' pea 'i he Fuakava Fo'ou, 'oku ngaue'aki ai 'a e mali koha faka'ilonga ia 'o e fekainga'aki ko ia 'i he vaha'a 'o e 'Otua pea mo Hono kakai fuakava. Ko hono 'uhinga ia, 'o fakatata'aki 'eni 'i he ngaahi ma'e lahi 'oku ngaue'aki ai 'ehe Tohitapu 'a e Imisi 'oha fefine ta'e angatonu ke fakatata'i 'aki 'a e tafoki moe holomui ko ia mei he tui 'a ia na'e malohi ia 'i 'Isileli motu'a. Fakatata'aki 'eni, 'ia 'Ekesotosi na'e folofola ai 'a Sihova ki Hono kakai 'oku 'ikai totonu ke 'iai ha'anau fekainga'aki vaofi moe kakai hiteni takai 'iate kinatutolu koe'uhi koe kau hiteni koe kakai angakehe 'aupito kinautolu 'a ia tenau lava taki hala'i 'a 'Isileli.

Ekesotosi 34:15-16 - Koe ha 'a e 'Imisi 'oku ngaue'aki 'e sihova 'i he fakatokanga makehe ko'eni? 'E lava fefe ke mahino 'eni 'i he 'uhinga fakalukufua ko ia 'oe "MALI" 'a e kakai kiate IA? (Toe Vakai kia Selemaia 3;14)

'I he taimi tatau pe, koe 'Imisi 'oe Siasi koe fefine mali 'o Kalaisi 'oku tuhu ia ki he uouangataha ko ia 'i he kakai tui pea mo Kalaisi, tautautefito 'i he taimi 'oku mahino ai 'i he 'uhinga fakalukufua 'o e haohaoa fakaTohitapu 'o e mali: 'a ia koe tangata 'e taha moe fefine 'e taha 'oku na fekainga'aki 'i he 'ofa, pea moe li'oa.

Efeso 5:28-32/ Fakaha 19:5-9: Koe ha 'a e me'a 'oku ako'i ' e he ngaahi potutohi ko 'eni?

'I he ngaahi potutohi ko 'eni, koe va ko ia 'i loto 'i he mali haohaoa fakatatau'i ia moe va ko ia 'oe 'Otua mo Hono kakai. 'Oku fakaafe'i mai 'ehe 'Otua 'a Hono kakai kenau kau fakataha mo Ia 'i ha va 'oku fafale (fekoekoe'i). Koe 'ata fakaofo 'eni 'e mahu'inga'ia ko ia 'a e 'Otua 'i Hono kakai pea mo 'Ene faka'amu ke 'omi kiatau ki he 'Ene feohi.

Koe ha 'a e ngaahi fili 'oku lava keke fai tene tohoaki ofi ange ai koe kia Sihova mo toe ofi ange ai ki he haohaoa ko ia 'oku fakafofonga'i mai 'ehe fakakaukau fakaTohitapu ko ia 'o e mali? Koe ha 'a e ngaahi fili , 'a koe tokotaha pe, teke lava 'o fai?