Na'e fai 'ehe 'Otua ha fakamaau, koha "FAKAMAAU 'EKE" totonu. Koe taumu'a 'o e fakamaau na'e 'ikai ke 'uhinga ia ke 'afio'i 'ehe 'Otua 'a e mo'oni. Kuo Ne 'osi afio'i ia 'e Ia. Ka koe taumu'a ke tuku ange ki he ongo me'a ha faingamalie kena tali ai 'a e me'a na'a na fai, koe 'uluaki sitepu ia ki he fakatomala pea moe fakafo'ou. Na'e 'eke 'e he 'Otua kiate kinaua pe koe ha 'a e me'a na'e hoko, pea na'a na vete, neongo e ta'eta'efiefai. Neongo na'a na halaia pea neongo na'e 'omai 'e he'ena angahala 'a e nunu'a vave - koe 'uluaki tala'ofa ko i a 'o e Kosipeli na'e foaki ange ia kiate kinaua 'i Iteni
Senesi 3:21 - " Na'e ngaohi 'ehe Sihova koe 'Otua mei he kili'i manu, a' e ngaahi kofu kia Atama mo hono unoho, pea na'a ne fakakofu'i akinaua....." Koe ha ha toe 'aloofa ne toe fakaha?
Na'e hoko mai 'a e mate 'i ha fotunga na'e ta'e 'amanekina 'aupito. Na'e 'ikai mate ai pe 'a 'Atama ia mo 'Ivi kae mate 'a e manu 'e taha pe lahi ange. Faka'uta ange ki he ongo ko ia 'a 'Atama lolotonga e mate 'a e manu, ngalingali 'i hono tu'unga ko ha feilaulau. Koe 'uluaki taimi ia na'e sio ai 'a 'Atama 'i he mate, pea kuo pau na'e hanga 'e he mate 'o 'omi kiate ia ha mamahi faka'atamai kaafakafa 'aupito. Pea na'e fohi 'a e manu, pea na'e ngaohi 'a e pulupulu mei he kili. Na'e 'ai ia 'i he sino 'o 'Atama ke 'ufi'ufi hono telefua. Koe taimi kotoa pe 'oku ne sio ai kiai, pe fa kiai , pau 'oku fakamanatua ia 'a e me'a ko ia na'ane fai pea moe me'a ko ia kuo ne fakamoleki. Kae toe mahu'inga ange, koe fakamanatu mai ia 'o e 'alo'ofa 'a e 'Otua.
'Oku 'ika ha tala'a ia 'oku totonu ketau matu'aki hounga'ia 'i he 'alo'ofa ko ia 'a e 'Otua kiate kitautolu. Koe ha ha founga toe lelei ange ke fakahaa'i ai 'a e hounga'ia ko ia 'i hono fakahaa'i 'ae 'alo'ofa ki he ni'ihi kehe. Ko hai ha taha teke lava 'o fakahaa'i kiai ha 'alo'ofa 'i he taimi ni pe neongo 'a 'ene ta'e totonu kene ma'u ia ?
No comments:
Post a Comment