Senesi 2:7, Saame 104:29-30, Sione 1:4, Ngaue 17:24-25.
Koe ha 'a e mahu'inga tautpotu taha kiate kitatutolu 'o e ngaahi potutohi ko 'eni? 'Oku totonu ke fefe 'a hono takiekina 'ehe mo'oni ko 'eni 'a e anga 'o 'etau mo'ui? Koe mo'ui koe me'a ha mai fakaofo. 'Oku tau maheni kotoa kitautolu moe mo'ui, ka 'oku kei 'iai pe 'a e me'a ia 'oku kei misiteli fekau'aki pea mo ia. 'Oku lava ia ke tau hanga 'o to'o kongokonga ha ki'i me'a mo'ui, ka 'i he faka'osi 'oku 'ikai ha me'a ia tetau ma'u ai tuku kehe pe 'a e fa'ahinga kehekehe 'oe 'atomi moe molekula. 'Oku lava ia ketau tanaki 'a e molekula 'i ha 'ai'anga me'a pea fakamafana ia pe ko hono fakalele'i ai ha mofisi'i 'uhila pe ko hano toutou tesi'i ka 'oku 'ikai pe ketau toe ma'u 'e kitatutolu ai ha mo'ui. 'Oku 'ikai ha me'a ia 'oku ui koe "mo'ui" 'oku' i loto 'i ha sino 'oku mo'ui pe koha fo'i sela 'oku mo'ui. Koe mo'ui koe me'a totonu ia 'o e fa'unga mo'ui kotoa, 'o 'ikai koha me'a ia 'oku lava ke fakamavahevahe'i mei he ngaahi sela.
'I he vakai 'e taha , 'oku tau 'ilo lahi 'o kau ki he founga ko ia ke fakatupu ai 'a e mate. Kuo tau fa'u 'e ngaahi founga kehekehe 'o hono tamate'i 'o e me'a mo'ui. Koe ni'ihi 'o e ngaahi founga ko 'eni 'oku nau hanga 'o fakahaa'i mai 'iha fakaikiiki 'oku faka'ohovale 'a e fakamalohi moe anga fakamamahi ko ia 'o hotau loto angahala'ia. 'Oku tau lava 'o fakatupu 'a e mate, ka ko hono fakatupu 'o e mo'ui 'oku taumama'o fau ia ketau lava. Koe 'Otua pe taha 'oku ne lava ke fakatupu 'a e me'a mo'ui. Kuo feinga 'a e kau saienisi ke fakatupu ha mo'ui, 'o fakakaukau kapau tenau lava 'o fai ia 'e 'iai leva 'a honau kalofanga ki he 'uhinga ko ia 'oku 'ikai kenau tui ai ki he 'Otua. Ka 'oku a'u mai ki he taimi ni, kuo ta'e lava 'a e ngaahi feinga kotoa ko ia.
Isaia 59:2 - 'Oku uesia fefe 'ehe angahala 'a 'etau fehokotaki ko ia pea moe Taha- Foaki-Mo'ui?
Kapau koe mo'uii 'oku ha'u taha pe mei he 'Otua, ta koe mavahe ko ia mei he 'Otua tene tu'usi leva 'e ia kitautolu mei he Ma'u'anga 'o e mo'ui. Koe ola ta'e mata'ofia (ta'ealale'ei) ko ia 'o e mavahe mei he 'Otua koe mate. Neongo 'e mo'ui ha taha ia 'o a'u ki he ta'u 969, 'o hange ko ia ko Metuisela, 'oku kei faka'osi'aki pe 'a e talanaoa "pea pekia ia." Koe natula totonu 'o e angahala, 'oku ne fakatupu 'e ia 'a e manavahe mei he mo'ui, pea ko hono ola leva koe mate.
No comments:
Post a Comment