LESONI 4 (FAKATUPU) - SISU MO HEVANI MO MAMANI

Sione 1:1-3,14, Kolose 1:15,146; Hepelu 1:1-2

KAVEINGA: 'Oku faka'ilonga'i fefe'i 'ehe kau tohi Fuakava Fo'ou 'a e Taha Fakatupu? Koe ha 'a e ngaahi fakahu'uhu'u 'o e tali?

FOLOFOLA Ia.. (LOKOSI ) pea fakatatau Ia moe 'Otua. Toe mahino ange, ko Sisu 'a e "Taha na'e Ne fakatupu 'a e me'a kotoape."  'I he kuonga 'o Sione, koe fo'i lea LOKOSI na'e ngaue lahi'aki ia ki hono fakafofonga'i 'a e taumu'a fakatupu. Koe kau mu'aki lautohi ko ia 'o Sione tenau maheni kinautolu moe fo'i fakakaukau ko ia 'oe LOKOSI ko ha tefito'i mo'oni fakatupu pea na'a mo ha taha fakatupu.

Na'e 'ai lea 'e Sione 'a e fo'i fakakaukau maheni ko 'eni kai Sisu, ke faka'ilonga'i Ia koe Taha Fakatupu mo'oni ia. Ko Sisu, 'a e LOKOSI, 'a e Taha hoko 'o Tangata 'a ia na'e nofo 'i hotau lotolotonga, na'e 'ikai ngata pe 'i he 'Ene 'i he kamata'anga, ka ko Ia 'a e Taha na'a Ne fakatupu 'a e 'univeesi. 'Oku 'uhinga 'eni tetau lava leva 'o lau 'a Senesi 1:1 'o pehe "Na'e fakatup 'e Sisu 'i he kamata'anga 'a e langi mo mamani..."

'Oku toe fakaongo mai 'ehe ngaahi lea ko ia 'a Paula 'ia Kolose 1 mo kinautolu ko ia 'ia Sione 'i hono faka'ilonga'i 'o e Taha Fakatupu ko Sisu Kalaisi. Na'a Ne ngaahi 'a e me'a kotoa pe. 'Oku toe tanaki mai 'e Paula 'a e 'ulungaanga kehe 'e ua 'o Sisu:
'Oku lave 'a Sione kia Sisu koe

1.  Koe 'Imisi Ia 'o e 'Outa ta'e ha mai. 'I hotau tu'unga angahala'ia, 'oku 'ikai lava ia ketau mamata ki he 'Otua ta'ehamai, ka 'oku tau lava kitautolu ia 'o mamata kia sisu. Kapau 'oku tau fiema'u ketau 'ilo'i pe 'oku anga fefe 'a e 'Otua, 'oku lava ketau ako'i 'a e mo'ui ko ia 'a Sisu (Sione 14:9).
2. 'Oku ui 'e Paula 'a Sisu koe 'ULUAKI FANAU" 'o e fakatupu ("'I he Tohitapu Fakatonga 'oku pehe ai:"koe 'uluaki fanau 'i he me'a fakatupu kotoape..") (Kolose 1:15). 'I he 'uhinga fakalukufua ko 'eni , 'oku 'ikai 'uhinga 'a e ''ULUAKI FANAU ia ki he TUPU'ANGA ka 'oku 'uhinga ia ki he TU'UNGA. Ko e 'uluaki fanau koe 'ulu ia 'o e famili pea koe 'ea ia 'o e koloa. Ko Sisu 'a e "'uluaki fanau" 'i he 'uhinga ko ia, koe Taha Fakatupu pea 'i he 'Ene hoko 'o Tangata (Ko 'Ene 'ai 'iate Ia hotau anga tangata), ko Ia 'a e 'ulu totonu 'o e famili 'o e tangata. Na'e 'ikai koha taha Sisu ia na'e fakatupu, kae mei 'itaniti na'e taha Ia moe Tamai.

'Oku toe 'omai 'e Hepelu 1:1-2 'a e ngaahi poini tatau hange ko ia 'i he konga tohi fakatupu 'a mamani. Tanaki atu ki ai, k Ia 'a e fakafofonga tatau tofu pe 'o e natula 'o e Tamai, koe toe founga pe ia 'e taha 'o e pehe ko Ia 'a e tatau 'o e 'Otua.

FEHU'I: Te ke tali fefe kapau 'e 'eke atu 'eha taha kiate koe, "'Oku anga fefe 'aho 'Otua?" Koe ha 'a e fakatonuhia teke 'ange ma'a ho'o tali....."

_______________________________________________________